Miswaangano Yamulimo Yamu September
Nsondo Iitalika mu September 6
Lwiimbo 8
10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami.
17 min: “Sena Mulabeleka Kamujisi Makanze?” Imajwi aamatalikilo atasiki kuminiti yomwe elyo amuzumanane amubandi wakubuzya akwiingula. Amubikkilizye amakani aali amapeeji 88-9 mubbuku lya Mulimo Wesu. Amubakulwaizye boonse kuti kabajanika lyoonse mumulimo alimwi kababeleka kabotu.
18 min: “Nobazyali—Amupe Cikozyanyo Cibotu Kubana Banu.” Imajwi masyoonto aamatalikilo aambwe amwaalu mpoonya baalu bobile balo bali mbazyali babandike cibalo eci. Batondezya kubikkila maanu kumakani aakukwabilila bana babo kuzilengwa zibyaabi zyalo nzyobabona kucikolo, atelevisyini alimwi akubasazinyina batali Bakamboni alimwi abamwi-bamwi. Ibakwesu balange-lange zilengwa zitondezya kubula bulemu, mwaambo wanyika ansamino alimwi akulikondelezya kubyaabi. Bamana kulanga-langa mbokuyandika kupa cikozyanyo cibotu, ababandike nzila mbobanga bakulwaizya bana ikuyandisisya ciiyo camukwasyi, miswaangano yambungano alimwi amulimo wamumuunda.—Amubone Ngazi Yamulindizi ya July 1, 1999 mapeeji 8-22 alimwi a Awake! ya September 22, 1991 mapeeji 8-9.
Lwiimbo 23 amupailo wakujala.
Nsondo Iitalika mu September 13
Lwiimbo 17
10 min: Zyakwaambilizya zyambungano. Lipooti yamaakkaunti.
15 min: Ino Mwakali Twakabeleka Buti? Imakani abandikwe amulagizi wamulimo. Amulange-lange mbomwakabeleka kuzwa kulipooti yamwaka wamulimo wa 1999. Amulumbaizye awo aakacitwa kabotu. Amuzyaambe mbazu imuciyandika kusolekesya. Amubandike makani aajatikizya mbwiicita mbungano caboola kukujanika kumiswaangano alimwi akweendelezya ziiyo zya Bbaibbele. Amwaambe mbaakani zyamwaka uuboola.
20 min: “Ncinzi Ncomunga Mwamwaambila mu Hindu?” Kubuzya akwiingula. Amukankaizye mbokuyandika kujana kaambo komwe nkomuzuminizyanya amuntu alimwi amwaambe twaambo ntotukonzya kuzuminizyanya aba Hindu. Amutondezye mbozinga zyacincigwa nzila zyapegwa ikukambaukila bantu babukombi bumbi. Amupe citondezyo icalibambilwa kabotu ikutondezya mbwanga wakambaukilwa mu Hindu. Ikutegwa mujane makani aambi kujatikizya bukombi bwaba Hindu, amubone pepa lyamukati lya Mulimo Wesu Wabwami wa February 1998; ibbuku lya Kukambitsirana apeeji 22; alimwi abbuku lya Mankind’s Search for God cibalo 5.
Lwiimbo 6 amupailo wakujala.
Nsondo Iitalika mu September 20
Lwiimbo 18
12 min: Zyakwaambilizya zyambungano alimwi azyakacitika mumulimo wamumuunda.
15 min: Ziyandika zyambungano.
18 min: Sena Ndeelede Kunjila Mbunga Imwi? Imubandi abaswiilizi kuzwa mubbuku lya Kukambitsirana mapeeji 280-4. Ikanjikanji tulaswaanganya bantu ibaswiilila mulumbe wa Bwami pele ibasulaika cilengwa “cakunjila” mbunga yabukombi. Amubulange-lange bupanduluzi bwabbala lyakuti “mbunga” alimwi azintu zili ciloba izizibya mbunga ya Jehova iilibonya. Amupandulule ncoyaandeene ambunga zimbi alimwi ambotunga twajana zilongezyo kwiinda mukuyanzana anjiyo.
Lwiimbo 5 amupailo wakujala.
Nsondo Iitalika mu September 27
Lwiimbo 4
15 min: Zyakwaambilizya zyambungano. Amubayeezye basikumwaya boonse kuti basiye malipooti abo aamulimo wamumuunda aamu September. Amubakulwaizye boonse kuti bakanze kuya kutola lubazu mumulimo wakulembya Ngazi Yamulindizi a Awake! mu October. Amuuziinduluke nzila zimwi izyakali mu Mulimo Wesu Wabwami wa October 1996 apeeji 8 kujatikizya kulibambila nzila zyakubelesya. Ikwiinda mukubelesya mamagazini mapya amwaambe twaambo tubotu kutalisya mibandi akutondezya nzila yomwe naa zyobile mubufwaafwi.
15 min: Kabbokesi Kamubuzyo. Makani aakananwa amwaalu.
15 min: “Ibukombi Bwakasimpe Buli Mukuyungizigwa mu Eastern Europe.” Imwaalu ayendelezye cibeela cakubuzya akwiingula. Amwaambe naa kutondezya bumboni buliko kujatikizya kuyungizigwa mumasi aabandaukwa kweelana ambokulembedwe muma Yearbook aawonoono.
Lwiimbo 28 amupailo wakujala