Mulongo Wamiswaangano Yamulimo
Nsondo Iitalika mu July 10
Lwiimbo 17
12 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Amubandike lipooti yamu March yamulimo wamumuunda yacisi coonse alimwi ayambungano yanu. Amulange-lange kabbokesi kakuti “Amubone Kupeeji Lyakumamanino,” mpoonya mutondezye nzila yomwe ipedwe iikonzya kubeleka kabotu mucilawo canu.
15 min: “Tatukonzyi Kuleka Kwaamba.” Imajwi aantalisyo abe buyo masyoonto aatasiki kuminiti yomwe mpoonya muzumanane amubandi wakubuzya akwiingula. Amukankaizye twaambo ncotuusungwaalila mulimo wesu wakukambauka. Amubikkilizye amakani aazwa mu Ngazi Yamulindizi yamu February 1, 1997 amapeeji 16-7.
18 min: “Atweende Munzila Mbotu Iipa Bulemu Kuli Leza.” Mwaalu abandike makani aaya amukwasyi. Balanga-langa nzyobayandika kucita kutegwa kabali bantu beendelezya zintu munzila mbotu, ibalilemeka, balondo alimwi bapa cikozyanyo cibotu munsamino yabo alimwi ambobalilemeka nobali mubuleya. Amubone Mulimo Wesu Wabwami wamu July 1999 apeeji 6, mupepa lyamukati mincali 2 kusika ku 6.
Lwiimbo 2 amupailo wakujala.
Nsondo Iitalika mu July 17
Lwiimbo 5
15 min: Zyakwaambilizya zyambungano. Lipooti yamaakkaunti. Amupandulule mubufwaafwi mbolikonzya kubelesyegwa broshuwa lya Divine Name ikugwasya muntu ulaa luyandisisyo ikumvwisya ncotuyandika kulibelesya izina lya Leza eelyo ndaitwa andilyo.—Amubone bbuku lya Kukambitsirana amapeeji 420-1. Amubayeezye boonse ikwaamba bubambe bwakusanga buliko kubantu, akuzyilemba ezyo nzibamwaya alimwi akuyoopilukila kuli baabo ibakatondezya luyandisisyo.
10 min: “Ipulogilamu Mpya Yamuswaangano Wabbazu.” Kubuzya akwiingula. Amwaambilizye deeti lyamuswaangano wabbazu uboola alimwi akubakulwaizya boonse kuyoojanika mazuba oonse obilo. Amubakulwaizye boonse ikusoleka canguzu kuyootamba basikwiiya Bbaibbele. Ikujanika kumuswaangano wabbazu ambweni kuyoobakulwaizya kuti kabayanzanaa mbungano lyoonse.
20 min: “Sena Mulaziyandisya Zintu Zyakumuuya?” Makani akananwe amwaalu. Amukankaizye mbociyandika ikuyoojanika kumuswaangano wacooko mazuba oonse otatwe.
Lwiimbo 13 amupailo wakujala.
Nsondo Iitalika mu July 24
Lwiimbo 21
5 min: Zyakwaambilizya zyambungano.
15 min: “Amwaabikkile Maanu Makani aa Leza.” Kubuzya akwiingula. Amukankaizye twaambo ncotuyandika kuti katukkede kale muzyuuno zyesu cibeela cimwi acimwi nocitalika.
25 min: “Mulyango Wajalulwa Wakuti Muyake Ŋanda ya Bwami.” Mubandi wakubuzya akwiingula.
Lwiimbo 15 amupailo wakujala.
Nsondo Iitalika mu July 31
Lwiimbo 23
15 min: Zyakwaambilizya zyambungano. Amubayeezye boonse ikuleta malipooti aamulimo wamumuunda aamu July. Amubuzye baswiilizi baluule zyakabacitikila mwezi uno nibakali kwaabila mabroshuwa.
12 min: Ziyandika zyambungano.
18 min: “Sena Mulakulumba Ikukkazika Moyo kwa Jehova?” Kubuzya akwiingula. Amubikkilizye atwaambo tweelede ikujatikizya kukkazika moyo kwa Jehova.—Amubone Insight, Volyumu 2, amapeeji 263-4.
Lwiimbo 26 amupailo wakujala.
Nsondo Iitalika mu August 7
Lwiimbo 6
10 min: Zyakwaambilizya zyambungano.
17 min: “Sena Mulaansoni?” Kubuzya akwiingula. Amuluule cakacitika calo cikulwaizya kuzwa mu Yearbook yamu 1997 amapeeji 43-4.
18 min: Amujane Busongo Bwabukkale Bwakumbele. Makani akananwe amwaalu. Ibakubusi bayanda kuyoobaa buumi bukondelezya kumbele antoomwe abayandwa babo. Nokuba kuti eci ncilengwa cijisi muntu amuntu, beelede kubelesya lulayo lwa Leza ikuti kabayanda kuzwidilila. (Tus. 19:20) Imuntu naakubuka nceciindi ikulombozya basimbi alimwi abasankwa nokulaanguzu kapati. Ikuti tiibalyeendelezya, balakonzya kulinjizya mumapenzi mapati. Mibuzyo minji ilabuzigwa kujatikizya busongo bwabakubusi eelyo nobatalika kuyeeyana ibasimbi abasankwa alimwi akutondezyanya luyando lusololela kukutalika kusyabana. Amulange-lange lulayo lupedwe mubbuku lya Achichepere Akufunsa amapeeji 231-5. Amukankaizye twaambo tupati-pati kuzwa mu Ngazi Yamulindizi yamu December 1, 1999 amapeeji 14-9, amubatondezye mbociyandika ikuzuzikizya ceelelo cabukubusi bwabo kuli Leza. Amubakulwaizye bakubusi ikuzinzibala kuyeeya alulayo oolu alimwi akubandika abazyali babo ikuti naa kabajisi mibuzyo iili yoonse.
Lwiimbo 7 amupailo wakujala