Nzyomweelede Kwaamba Kujatikizya Mamagazini

Ngazi Yamulindizi June 1

“Luzyalo lwa Jehova kubantu lwakatondezyegwa ciindi naakatuma mwanaakwe kuti azikufwe kali cinunuzyo. Ino ncinzi muntu nceelede kucita kutegwa agwasyigwe acinunuzyo ca Jesu? [Amulindile bwiinguzi] Ibbaibbele lilijisi bwiinguzi. [Amubale Intembauzyo 5:7] Ikuyoowa kutamukkomanisya Jehova, ciya kutugwasya kuzyiba kuti Mubetesi Mupati alimwi walo uli ngu Singuzuzyoonse, nguujisi nguzu zyakusubula naa kunyonyoona baabo bakaka kumumvwida. Eeyi magazini ilatondezya ncotweelede kucita ikutegwa tugwasyigwe aluzyalo lwa Leza.”

Galamukani! June 8

“Basololi bamunyika basoleka nzila zyinji ikusola kumana mapenzi eesu. Imwi yanzila eezyo njibabelesya kusoleka kumana mapenzi mu Cigisi yiitwa kuti globalization? (nkokuti njabantu boonse naa kuti njanyika yoonse). Mumagazini eeyi, mulakonzya kubala akubona mbuli mboimujatikizya inzila eeyi mpya. Alimwi mulakonzya kubala mbwaaya kumana mapenzi munyika yoonse aakasinsimwa mu Bbaibbele.” Mpoonya mubale Matayo 6:9, 10.

Ngazi Yamulindizi June 1

“Izintu zyakacitika caino-ino zipa kuti bantu banji banyongane kuyeeya kujatikizya kaambo kapa kuti bantu batako mulandu kabafwa. Sena kuli nimwakayeeyede kale akubona cipa kuti bantu kabafwa? [Amulindile bwiinguzi, eelyo amuvwunune kuccaati iili kupeeji 7.] Sena inga mwayanda kulimvwida mbolyaamba Bbaibbele kujatikizya makani aaya?” Ikuti kacikonzyeka, amubale lugwalo lutondezyedwe.

Galamukani! June 8

“Ibunji bwantu bayeeya kuti kuli kukwelana akati kacikombelo alimwi asayaansi. Bamwi bayeeya kuti ncintu ciyumu kumuntu uujisi mizeezo yasayaansi ikusyoma muli Leza. Ino muyeeya buti kumakani aaya? [Amulindile bwiinguzi.] Eeyi Galamukani! ilaabandika makani aaya munzila iikondelezya.”