Mulongo Wamiswaangano Yamulimo

MALAILILE: Mu Mulimo Wesu Wabwami kuyoondandamikwa mulongo wa Muswaangano Wamulimo imvwiki amvwiki ciindi camuswaangano wacooko. Mbungano zilakonzya kubikka bubambe buyandika kutegwa bakajanike ku Muswaangano Wacooko wa “Amumulemeke Leza.” Ikuti kacikonzyeka, amubelesye maminiti aali 15 aa Muswaangano Wamulimo wamvwiki yamamanino kamutanaunka kumuswaangano wacooko, ikwiinduluka malailile aagaminide kuzwa mupepa lyamukati mumwezi uuno aakonzya kubeleka nkomuzwa. Mumwezi wa October, Muswaangano Wamulimo woonse uuyooba abubambe bwakwiinduluka twaambo tupati-pati twamuswaangano wacooko. Ikulibambila mubandi ooyu, toonse tulakonzya kulemba twaambo tugwasya amuswaangano, kubikkilizyaa mulongo watwaambo totuyanda kuyoobelesya lwesu mubuumi alimwi amumulimo wamumuunda. Mpoonya tunoolibambide ikupandulula mbotwaabelesya malailile aayo kuzwa kumuswaangano wacooko.

Nsondo Iitalika mu July 14

Lwiimbo 4

10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Kwiinda mukubelesya nzila zili apeeji 8, amucite zitondezyo zyobile zigwasya zitondezya mboinga yaabilwa Ngazi Yamulindizi yamu August 1 mucilawo cambungano. Amubelesye nzila zyakusaanguna zyobile.

15 min: “Ikubungana Antoomwe Kuti Tutembaule Jehova.”a Amubelesye mibuzyo iibikkidwe. Amubakulwaizye boonse kujanika kuzibeela zyoonse, kutalikila mafwumofwumo mubuzuba bwakusaanguna kusikila kumazuba mubuzuba bwatatu. Amukankaizye mbociyandika kuzibelesya nzyotwiiya ikutali kwiile kuswiilila buyo. Amulange-lange malailile aali aatala aabubambe bwa Muswaangano Wamulimo mu October, nokuya kuba kwiinduluka twaambo tupati-pati twakumuswaangano wacooko. Amubakulwaizye boonse kulemba twaambo.

20 min: “Ikutondezya Kulumba Kuluzyalo lwa Leza.”b Nomubandika muncali 3, amupe nzila zyakubelesya kujana muntu wakutolela mamagazini lyoonse, kuzwa mu Mulimo Wesu Wabwami wamu October 1998 apeeji 8. Amubuzye sikumwaya omwe naa bobile ibacibwene kuti baambe nzila nzyobajana kuti zibeleka kabotu mukutalisya ziiyo zya Bbaibbele. Amubakulwaizye boonse kulibikkila mbaakani yakutalisya akweendelezya ciiyo ca Bbaibbele.—om p. 91.

Lwiimbo 11 amupailo wakujala.

Nsondo Iitalika mu July 21

Lwiimbo 15

10 min: Zyakwaambilizya zyambungano. Lipooti yamaakkaunti.

10 min “Ipulogilamu Mpya ya Muswaangano Wabbazu.” Makani alimwi amubandi abaswiilizi. Amwaambilizye deeti nouya kuba muswaangano wabbazu uutobela. Ikuti naa mbungano iyooba amuswaangano mumyezi buyo misyoonto iiboola, amwaambilizye kuti aabo bayanda kuyoobbapatizyigwa beelede kumuzyibya mulangizi weendelezya. Amubakulwaizye boonse kusolekesya kapati kutamba ziiyo zya Bbaibbele alimwi akuyoojanika kuzibeela zyoonse zyapulogilamu.

25 min: “Ikusama Kabotu Kutondezya Bulemu Kuli Leza.”c Ayelede kupegwa amwaalu. Amubelesye mibuzyo iibikkidwe. Amulombe mukwesu uubala kabotu kuti abale cakupozya muncali umwi aumwi.

Lwiimbo 23 amupailo wakujala.

Nsondo Iitalika mu July 28

Lwiimbo 6

5 min: Zyakwaambilizya zyambungano. Amubayeezye basikumwaya kuti bape malipooti aabo aamumulimo wamumuunda aamu July. Kwiinda mukubelesya nzila zyamamanino zyobile zili apeeji 8, amucite zitondezyo zyobile ikutondezya mboikonzya kumwaigwa Ngazi Yamulindizi yamu August. Mucitondezyo cimwi, amutondezye sikumwaya uuli mukucita bukambausi bwamukwiizya.

15 min: “Amube Cikozyanyo Cibotu Mukoonda Milimo Mibotu.”d Amubelesye mibuzyo iibikkidwe. Amukankaizye mbociyandika kutobela bubambe bubikkidwe kutegwa tugwasyigwe. Amupandulule ikulilemeka kabotu kuli umwi aumwi mbokuyandika kapati.

15 min: “Bukambausi Bwamunkamu Buletela Kukondwa.”e Nomubandika muncali 3, amubikkilizye atwaambo kuzwa mu Kabbokesi Kamubuzyo kali mu Mulimo Wesu Wabwami wamu September 2001. Mubufwaafwi amubuzye-buzye mulangizi wa Ciiyo Cabbuku Cambungano. Amubuzye bubambe bwamulimo wamumuunda mbwaacita mukakamu kakwe kaciiyo cabbuku alimwi akakamu mbokali mukugwasyigwa mukukambauka caantoomwe.

10 min: “Atugwasyanye Ikubeleka Lyoonse.” Ayelede kupegwa amulangizi weendelezya. Mubandi uukulwaizye kujatikizya ncotulombozya kuyoozuzikizya mu August. Amubakulwaizye boonse mumbungano kuzuzikizya mbazu zyabo ikutegwa aumwi wesu akasike ambaakani yakutola lubazu luzwide mumulimo mumwezi ooyo. Amupandulule bubambe bubikkidwe bwakugwasya baabo ibali kutola lubazu cakusotauka-sotauka. Ino mbuti boonse mbobakonzya kukulwaizyigwa kutola lubazu luzwide amwezi? Ino mbuti basikumwaya bayumu mbobakonzya kugwasya bamwi? Amuzibelesye zyoolwe zijanika nomuunka kumuswaangano kuti mube basungu mumulimo.

Lwiimbo 13 amupailo wakujala.

Nsondo Iitalika mu August 4

Lwiimbo 28

10 min: Zyakwaambilizya zyambungano. Amwaambe mabbuku aakumwaya mwezi uuno. Amucite citondezyo cifwaafwi comwe naa zyobile zikonzya kubelesyegwa.

20 min: “Ikumwaya Mabbuku Mucilawo Mukananwa Myaambo Iisiyene-Siyene.”f Amubelesye mibuzyo iibikkidwe. Nomubandika muncali 3, amucite citondezyo cifwaafwi mumwaambo uumbi uukananwa mucilawo canu alimwi uutakananwi mumbungano iili yoonse.—km 7/02 p. 1 munc. 4.

15 min: Bana Bali Mukutembaula Jehova! Makani amubandi abaswiilizi alimwi akubuzya-buzya. Tulakkomana kumvwa bana ciindi camiswaangano kabapa bwiinguzi bwabo mbobalibambila kabotu. Busungu bwabo alimwi akuyaambele Mucikolo Camulimo Weendelezyegwa a Leza bulakkomanisya. Balatondezya lusyomo lwini-lwini mbobazumanana kupa bukambausi bubotu mumulimo. Ikulilemeka kwabo munzila yabuna Leza kulamulemeka Jehova. (yb88 pp. 53-4) Ikuyaambele kwabo kumuuya kubamba ntalisyo yamikuli iili kumbele. Amubuzye-buzye mubufwaafwi bakubusi Banakristo bobile naa botatwe ibatola lubazu lyoonse mumilimo yamumbungano. Amubalumbaizye kapati bakubusi mumbungano akaambo kamilimo yabo mibotu yakutembaula Jehova.

Lwiimbo 20 amupailo wakujala.

Bupanduluzi buyungizidwe