Mulongo Wa Miswaangano Ya Mulimo

Nsondo Iitalika mu March 10

Lwiimbo 131

10 min: Zyakwaambilizya zyambungano. Kwiinda mukubelesya nzila zyili apeeji 4 naa nzila zimwi zyigwasya mucilawo canu, amutondezye mboikonzya kwaabilwa Ngazi Yamulindizi yamu January–March alimwi a Awake! yamu March kubikkilizya akapepa kakutamba bantu ku Ciibalusyo.

20 min: Tukambauka Makani Mabotu. Amana kwaamba majwi aantalisyo aatasiki kuminiti yomwe, mwaalu akanane makani aazwa mu Ngazi Yamulindizi yamu July 1, 2005, peeji 30, mincali 10-14. Amubalombe baswiilizi kwaamba mbobakaumbulizyigwa alimwi ambobakaba abulangizi ciindi nobakakambaukilwa mulumbe wa Bwami.

15 min: “Toonse Kuli Ncotukonzya Kumupa Jehova”a Ikuti ciindi kakaciliko, amubalombe baswiilizi kwaamba mbwaagwasya magwalo aabikkidwe.

Lwiimbo 8

Nsondo Iitalika mu March 17

Lwiimbo 144

10 min: Zyakwaambilizya zyambungano. Amubayeekezye baswiilizi kuti bakaletelezye Ngazi Yamulindizi yamu January–March a Awake! yamu April nsondo iiboola ku Muswaangano wa Mulimo akulibambila kwaamba nzila nzyobakonzya kubelesya kwaabila mamagazini mucilawo canu. Zyakwaambilizya zisalidwe kuzwa mu Mulimo Wesu wa Bwami.

15 min: Kabbokesi Kamubuzyo. Akananwe amwaalu. Amubale akucibandika cibalo coonse.

20 min: “Ino Mbuti Mbotukonzya Kugwasya Bantu Bajanika ku Ciibalusyo?”b Nomubandika muncali 5, mubufwaafwi amutondezye citondezyo casikumwaya uutalisya ciiyo ca Bbaibbele kumuntu wakajanika ku Ciibalusyo.

Lwiimbo 214

Nsondo Iitalika mu March 24

Lwiimbo 159

Malailile: Makani aajatikizya muswaangano wacooko taaelede kubandikwa kaitanasika nsondo iitalika mu March 24. Imbungano tazyeelede kucinca buzuba bwa Muswaangano wa Mulimo wa nsondo iitalika mu March 24 ccita buyo kuti kakuli mulangizi wabbazu uuswaya. Ikuti naa takukabi muswaangano wa Mulimo akaambo kakuti kuli muswaangano wabbazu, balangizi baciiyo cabbuku beelede kwaambilizya madeeti aamuswaangano wacooko kuciiyo cabbuku mvwiki njoona eeyo.

10 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa.

15 min: Amulibambile Kumwaya Mamagazini Mapya. Mubandi abaswiilizi kuzwa mu Ngazi Yamulindizi yamu January-March a Awake! yamu April. Mwamana kwiilanga-langa mubufwaafwi magazini aimwi, amubuzye baswiilizi baambe zyibalo zyibakabona kuti inga zyagwasya mucilawo canu ancobaambila boobo. Amubalombe baswiilizi kuti baambe nzila zimwi kujatikizya twaambo tuli muzyibalo ntobayanda kuya kubelesya. Ino mubuzyo nzi uukonzya kubuzyigwa kutegwa tutalisye mubandi? Ino ndugwalo nzi luli mucibalo lukonzya kubalwa? Kwiinda mukubelesya nzila zyaambwa abaswiilizi, amutondezye mboikonzya kwaabilwa Ngazi Yamulindizi yamu January–March a Awake! yamu April mucilawo canu.

20 min: “Muswaangano Wacooko wa Bakamboni ba Jehova wamu 2008 wa ‘Amusololelwe Amuuya wa Leza.’”c Akananwe amulembi wa mbungano. Kamutana talika kubandika makani aali mupepa lyamukati, amubale lugwalo lwa CO March 20, 2008 lwaamba madeeti aamuswaangano wacooko. Amubalumbe boonse akaambo kakufwambaana kulibambila kuti bakajanike kumuswaangano wacooko.

Lwiimbo 29

Nsondo Iitalika mu March 31

Lwiimbo 37

10 min: Zyakwaambilizya zyambungano. Amubayeezye basikumwaya kuti bape malipooti aamulimo wamumuunda aamu March.

20 min: “Lugwalo Kuzwa Kukabunga Keendelezya.” Makani amubandi abaswiilizi. Amulombe baswiilizi bobilo naa botatwe baambe cakuluula cakabakulwaizya kapati cili mu Yearbook yamu 2008. Amulibambile kakucili ciindi kutegwa muntu omwe naa bobile baambe bubambe mbobajisi bwakubala Yearbook. Amumanizye makani aanu kwiinda mukukulwaizya bantu boonse kubala Yearbook yoonse.

15 min: “Kukulwaizyanya Notuli Mumulimo”d

Lwiimbo 122

Nsondo Iitalika mu April 7

Lwiimbo 186

10 min: Zyakwaambilizya zyambungano.

20 min: Ino Ncinzi Ncowayawaya Kubbapatizigwa? Makani akananwe amwaalu aazwa mu Ngazi Yamulindizi ya July 1, 2006, mapeeji 31-32, mincali 14-17. Mubufwaafwi, amubuzye-buzye sikumwaya omwe naa bobilo ibakabbapatizigwa kabacili bakubusi. Ncinzi cakabakulwaizya kubweza ntaamu eeyi iiyandika kapati kabacili bana? Ino mbuti kubbapatizyigwa kwabo mbokwakabagwasya kuti basime kumuuya kwalo kupa kukwabililwa?

15 min: Sena Mwakaisola Kale Nzila Yacigaminina? Makani amubandi abaswiilizi aazwa mupepa lyamukati lya Mulimo Wesu wa Bwami bwamu January 2002, apeeji 6. Amubandike makani aantalisyo aatondezyedwe alimwi ambomukonzya kwaacinca kutegwa mutalisye ciiyo ca Bbaibbele mubbuku lya Bbaibbele Ncoliyiisya. Mpoonya amube acitondezyo comwe naa zyobile. Amubakulwaizye baswiilizi kuti nsondo iiboola bakasole kwiibelesya nzila eeyi nociba ciindi comwe ikutalisya ciiyo ca Bbaibbele mubbuku lya Bbaibbele Ncoliyiisya.

Lwiimbo 225

Bupanduluzi buyungizidwe