Mulongo Wamunsondo Iitalika mu January 25
NSONDO IITALIKA MU JANUARY 25
□ Ciiyo ca Bbaibbele Cambungano:
□ Cikolo Camulimo Weendelezyegwa a Leza:
Kubala Bbaibbele: Babetesi 5-7
Na. 1: Babetesi 7:1-11
Na. 2: Mbuti Mbotukonzya Kumuzyiba “Sikuvuula Mupati” Waambidwe mu Ciyubunuzyo 17:1?
Na. 3: Mbuti Mbomukonzya Kuba Amanjezyeezya Mabotu? (lv cibalo 2 ¶1-7)
□ Muswaangano wa Mulimo:
5 min: Zyakwaambilizya.
10 min: Mabbuku Aakumwaya mu February. Amwiinduluke zibeela zili mubbuku lyakwaabila izikonzya kubelesyegwa nomwaabila bbuku eelyo. Amucite citondezyo citondezya sikumwaya mbwakonzya kutalisya ciiyo ca Bbaibbele mubukambausi bwamukwiizya kwiinda mukubelesya cakwaabila eeco.
20 min: “Sena Mulasumpya?” Mubandi wakubuzya akwiingula. Akananwe amwaalu. Amucite citondezyo casikumwaya uupandulula mulimo wakkaadi ya DPA kuli dokotela akumulomba kuti aibikke mufailo yakwe. Dokotela wasyomezya kuti ulacita oobo. Nomumanizya makani, amubale muncali wamamanino. Ooko nkobatajisi vidiyo, basikumwaya balakonzya kulombwa kuti bakabale bbuku lyakuti Ino Ncinzi Cini Bbaibbele Ncoliyiisya? mapeeji 128-133, mincali 10-19.