“Ino Ndeelede Kubala Buti Ciindi?”

Sena kuli nomwakabuzyide mubuzyo ooyu? Malailile alajanika mubbuku lya Bakamantene amapeeji 86-87. Ciindi aciindi tulapegwa malailile aayungizyidwe, mbuli aali mu Mulimo Wesu wa Bwami wamu September 2008 mu Kabbokesi Kamubuzyo. Akaambo kakuti bukkale buliindene-indene, tatupedwe malailile manji. Aboobo, inga tiiceelela kuti baalu naa bambi buyo batupe malailile aambi.

Ikuti kakuli mubuzyo alimwi kakunyina malailile aalembedwe ngotukonzya kutobela, sikumwaya umwi aumwi weelede kulibuzya kuti: Sena ciindi ndakacibelesya mumulimo wakukambauka? Naa ndakacibelesya kucita zyintu zimbi zitajatikizyi mulimo wakukambauka? Malipooti aamwezi amwezi ngotulemba aatondezya mulimo wesu wakukambauka ngotwakabeleka ayelede kuti kaatukkomanisya ikutali kukatazya manjezyeezya eesu. (Mil. 23:1) Masimpe, ncotubikkila kapati maano nkubelesya kabotu ciindi notuli mubukambausi ikutali kubalila ciindi pe.—Heb. 6:11.