Sena Mulalanga Lyoonse Abboodi Lyamakani?

Baalu, bakutausi, alimwi abamwi bajisi mikuli mumbungano balalanga lyoonse abboodi lyamakani kutegwa babone naa ndilili nobanoojisi cibeela. Nokuba boobo, boonse mumbungano bayoojana makani aayandika abboodi. Sena mulizyi naa ndilili nomuyoosalazya Ŋanda ya Bwami? Sena mwakatambula magwalo aayandika kuzwa kumulangizi wabbazu naa kuofesi yamutabi? Sena muluuzyi mutwe wamakani aabuleya aansondo ino kutegwa mutambe ciiyo canu ca Bbaibbele? Sena kuli kucinca kwacitwa kuziindi zyakuswaangana naa mukabunga kanu kamulimo? Bunji bwamakani aali boobu taacaambilizyigwi kumiswaangano, alimwi inga tiicakonzyeka kuti baalu baambile basikumwaya boonse umwi aumwi kumugama. Aboobo, lyoonse tweelede kuti katulanga abboodi lyamakani. Ikuti lyoonse katulanga abboodi lyamakani, zyintu zyoonse ziyoocitwa “kabotu-kabotu alimwi kweelana abubambe.”—1 Ko. 14:40.