Tuyootalika Kutamba Bantu ku Ciibalusyo mu March 22

Mwaka uno tuyootalika kutamba bantu ku Ciibalusyo mu Mujibelo, March 22. Toonse tukulwaizyigwa kutola lubazu. Kumamanino aansondo tunakwaabila amamagazini mapya kuti kaceelela. Mubuzuba bwa Mujibelo bwakusaanguna mu April, tuyoobikkila maano kumwaya tupepa twakutamba bantu ku Ciibalusyo muciindi cakutalisya ziiyo zya Bbaibbele. Nokuba boobo, kuti twajana muntu watondezya luyandisisyo, inga twasola kutalisya ciiyo ca Bbaibbele. Mulangizi wamulimo inga wabona naa kwaabila tupepa mubukambausi bwakubuleya inga kwagwasya mbungano kusikila bantu banji bamucilawo cambungano. Calino inga mwalemba mulongo wamazina abaabo mbomuyanda kuyootamba mbuli basazinyoko, babelesinyoko, basicikolonyoko, mbomwakaswaya munyendo zyakupilukila alimwi abamwi buyo mbomuyanda kuyootamba, mpoonya amukabape tupepa mwaakutalika kutamba bantu ku Ciibalusyo. Tusyoma kuti banji bayootusangana ciindi notuyakwiibaluka zitondezyo zyobilo zipati zyaluyando.—Joh. 3:16; 15:13.