Amukambauke Kasimpe Kajatikizya Jesu Cabusungu

Kuti katuzyi mbotukonzya kwaambila bamwi kasimpe kajatikizya Jesu, busungu bwesu bulayungizyigwa. Jesu ndebbwe lyantalisyo lyakukkona aayeeme lusyomo lwini-lwini. (Ef. 2:20) Naatali nguwe, notwatalijisi bulangizi bwabuumi. (Mil. 4:12) Aboobo, cilayandika kapati kuti boonse bazyibe mukuli ngwajisi Jesu mumakanze aa Leza. Bantu banji banyonganizyigwa anjiisyo zitali zyamumagwalo. Cuusisya ncakuti, balalangilwa kuti tabakatambuli zilongezyo Ijwi lya Leza nzyolisyomezya baabo basyoma muli Jesu. Busungu bwesu mukasimpe buyootupa kuyandisya kugwasya babombe myoyo kumuzyiba kabotu Jesu, mbobacitene a Leza, alimwi alubazu ndwajisi mumakanze aa Leza. Sena muyookambauka kasimpe kajatikizya Jesu cabusungu muciindi eeci ca Ciibalusyo?