Kudulowa Zifwanikiso Kulagwasya Kuyeeya Nzyomwaiya

Zimwi ziindi cilakatazya kuyeeya zintu nzyotwaiya. Pele ncuuba-uba kuyeeya zintu nzyaakatuyiisya Jesu akaambo kakuti kanji-kanji wakali kubelesya zikozyanyo. Tulakonzya kuziyeeya zikozyanyo eezyo alimwi eeco cilatugwasya kuyeeya ncaakali kuyiisya. Mbubwenya buyo, mulakonzya kuziyeeya nzyomwiiya kwiinda mukusola kweezeezya nzyomubala. Mbuti mbomukonzya kucita oobo? Nkwiinda mukudulowa zifwanikiso ciindi nomwiiya.

Bantu ibadulowa zifwanikiso zijatikizya zintu zipya nzyobaiya, kanji-kanji inga balaziyeeya. Kudulowa zifwanikiso kulabagwasya kwaamvwisya kabotu mabala aabelesyedwe alimwi atwaambo tupati-pati ntobaiya. Zifwanikiso eezyo inga tazili zyaalubazu buya, pele inga zibagwasya buyo kuyeeya twaambo. Nzila eeyi yakudulowa zifwanikiso ilagwasya kapati kwaambisya kubantu bacembeede.

Ciindi ciboola mwaakwiiya, amukasole kudulowa zifwanikiso kujatikizya zintu nzyomuyakwiiya. Ikuti mwacita oobo, inga mwaakugambwa kubona mbomunooziyeeya.