Cikolo Camulimo Wateokrasi ca 1998

Ikuba sicikolo caamba “kuyiisigwa naa kunaanizigwa muluzibo lumwi naa mumulimo.” Mucikolo Camulimo Wateokrasi, tulayiisigwa lyoonse luzibo lwa Leza. Alimwi ikutola lubazu mucikolo eci kutupa kuti twiiye kubandika kabotu alimwi anzila zyakuyiisya. Ipulogilamu yacikolo ya 1998 iyootugwasya kapati kuti tuye ambele munzila yakumuuya.

Ikuti naa mwaulanga-langa mulongo wamakani aamucikolo, mulajana kuti ibbuku lya Lukkomano Mumukwasyi lyabikkilizigwa akati kamabbuku aabelesegwa mucikolo mu 1998, alimwi Makani No. 3 alimwi a No. 4 anoobandikwa kuzwa mubbuku eeli lyoonse bucebuce. Makani No. 4 oonse aapegwa kubakwesu kuzwa mubbuku lya Lukkomano Mumukwasyi, ayelede kubandikwa mbuli makani eeni-eni kumbungano. Alimwi tumuyeezya kuti taakwe muntu weelede kwiindilizya aciindi ncapedwe mupulogilamu yacikolo.

Icintu Cipya: Ikutegwa umwi aumwi agwasigwe “Mulongo Wazibalo zya Bbaibbele Wakuyungizya” wabikkwa mumakoma kutobela namba yalwiimbo lwansondo yomwe-yomwe. Nokuba kuti kunyina cibeela mucikolo icijatikizya mulongo oyu, amubikke mbaakani yakutobela mulongo oyu. Eeci ciyoomugwasya kubaa ciyanza cakubala Bbaibbele buzuba abuzuba ikuti tamuli mukucita kale obo.

Ikuti naa kamuyanda kumvwa tumbi twaambo kujatikizya makani, malailile, alimwi akwiindulula kwakulemba, amubale kabotu-kabotu malailile aalimu “Mulongo Wamakani mu Cikolo Camulimo Wateokrasi mu 1998,” kubikkilizya apeeji 3 ya Mulimo Wesu Wabwami wa October 1996.

Ikuti naa tamunalilembya Mucikolo Camulimo Wateokrasi, twamutamba kuti mulilembye lino. Eeci cikolo cilibedelede cazumanana kugwasya kapati mukuyiisya babelesi ba Jehova ibalibombya alimwi ibasungu kuti beelele kabotu kuba balanda bakwe.—1 Tim. 4:13-16.