Ziyeezyo zya Ciibalusyo

Uno mwaka Ciibalusyo ciyoocitwa muli Bwane mu April 1. Ibaalu beelede kulangisya zintu ezi:

◼ Nomusala ciindi camuswaangano, amubone kwaamba kuti zitondezyo tazyiinzigwi kusikila lyabbila zuba.

◼ Boonse kubikkilizya amwaambi, beelede kwaambililwa limwi ciindi nociyoocitwa Ciibalusyo alimwi abusena nkociyoocitilwa.

◼ Icinkwa ciyandika alimwi awaini zyeelede kujaninwa limwi.—Amubone Ngazi Yamulindizi ya February 15, 1985 ya Chichewa apeeji 19.

◼ Mitiba, matambula atebule lyeelede alimwi akasani kaatebule zyeelede kuletelwa limwi ku Ŋanda ya Bwami naa kubusena buswaanganinwa akubikkwa amasena azyo kakucili ciindi.

◼ Ŋanda ya Bwami naa busena bumbi bwakuswaanganina bweelede kusalazigwa kakucili ciindi.

◼ Basikugwasilizya alimwi abaabo bainzya zitondezyo beelede kusalilwa limwi akulaililwa mbozyeelede kucitwa zintu alimwi akwaambilwa milimo yabo.

◼ Kweelede kucitwa bubambe bwakuti kufwumbwa munanike uuciswa uutakonzyi kujanika, akapegwe.

◼ Ikuti naa mbungano zinji ziyakubelesya Ŋanda ya Bwami yomwe, izintu zyeelede kweendelezyegwa kabotu akati kambungano kutegwa kutakabi kwaatikizyanya mucilawo, mumilyango, mutuzila twiindwa alimwi amumasena musiilwa myootokala.

◼ Mutanociti mbuli kuti zitondezyo zijisi nguzu zilibedelede. Kuli bamwi bakotamina naa kununkizya zitondezyo. Eeci taceelede pe.

◼ Takweelede kwiimbwa nokwiinzigwa zitondezyo. (Amuzitambikizye zitondezyo ‘mutanooyabweenda’ anzizyo pe.)

◼ Mutaambi mweelwe wakubeja wabaabo bajanika.

◼ Bantu bagwisidwe balazumizigwa kujanika alimwi balabalwa. Nokuba boobo tamweelede kubalilizya muntu uugwisidwe naa uutabbapatizidwe kuti ngusikutola lubazu mukulya.