Ziyeezyo zya Ciibalusyo

Ciibalusyo ciyoocitwa mu Mujibelo mu April 11. Ibaalu beelede kulangisya zintu eezi:

◼ Nomusala ciindi camuswaangano, amubone kwaamba kuti zitondezyo tazyiinzigwi kusikila lyabbila zuba.

◼ Boonse kubikkilizya amwaambi, beelede kwaambililwa limwi ciindi nociyoocitwa Ciibalusyo alimwi abusena nkociyoocitilwa.

◼ Icinkwa ciyandika alimwi awaini zyeelede kujaninwa limwi.—Amubone Ngazi Yamulindizi ya February 15, 1985 ya Chichewa, apeeji 17.

◼ Mitiba, matambula, alimwi atafwule lyeelede akasani kaatafwule zyeelede kuletelwa limwi ku Ŋanda ya Bwami naa busena buswaanganinwa.

◼ Ŋanda ya Bwami nobuba busena bumbi buswaanganinwa bweelede kusalazigwa kakucili ciindi.

◼ Basikugwasilizya alimwi abaabo bainzya zitondezyo beelede kusalilwa limwi akulaililwa mbozyeelede kucitwa zintu alimwi akwaambilwa milimo yabo.

◼ Kweelede kucitwa bubambe bwakwiinzya zitondezyo kumunanike uuli woonse uukompeme uutakonzyi kujanika.

◼ Ikuti naa mbungano zinji ziyakubelesya Ŋanda ya Bwami yomwe, izintu zyeelede kweendelezegwa kabotu akati kambungano kutegwa kutakabi kwaatikizyanya mucilawo, mumilyango, mutuzila twiindwa, alimwi amumasena musiilwa myootokala.

◼ Mutanoolilemeki mbuli kuti zitondezyo zijisi nguzu zilibedelede. Kuli bamwi bamvwuntamina naa kununkizya zitondezyo. Eeci taceelede pe.

◼ Takweelede kwiimbwa nokwiinzigwa zitondezyo. (Amuzitambikizye zitondezyo ‘mutanooyabweenda’ anzizyo pe.)

◼ Mutaambi mweelwe wakubeja wabaabo bajanika.

◼ Bantu bagwisidwe balazumizigwa kujanika alimwi balabalwa. Pele, mutababalilizyi aakati kabatola lubazu bantu bagwisidwe abaabo batabbapatizidwe kuti naa balya akunywa.