Ziyeezyo zya Ciibalusyo

Ciibalusyo camwaka uno ciyooba mu Nsondo, April 8. Baalu beelede kubikkila maanu kutwaambo ootu tutobela:

◼ Nomusala ciindi camuswaangano, amukasinizye kuti zikozyanisyo taziinzyigwi pe kusikila mane zuba lyabbila mbyoo.

◼ Boonse kubikkilizyaa mwaambi, beelede kuzibisyigwa ciindi cini-cini alimwi abusena nkociyoocitilwa Ciibalusyo eci.

◼ Mweelede kujana musyobo wacinkwa alimwi awaini weelede akubona kuti zintu ezi zyabambilwa limwi.—Amubone Ngazi Yamulindizi yamu February 15, 1985 apeeji 17.

◼ Mitiba, matambula, atafwule lyeelede alimwi akasani kaatafwule zyeelede kuletwa kubusena oobo akuzibikka kabotu kakucili ciindi.

◼ Ŋanda ya Bwami naa busena buli boonse nkomuyooswaanganina bweelede kusalazigwa kabotu-kabotu kakucili ciindi.

◼ Mweelede kusalila limwi bagwasilizi abasikwiinzya zikozyanyo zyamulalilo akubalailila kabotu ncobeelede kucita alimwi ambobeelede kweenda kakucili ciindi.

◼ Kweelede kucitwa bubambe bwakubatolela zikozyanyo zyamulalilo oyu bananike aabo batakonzyi kusika akaambo kakuciswa.

◼ Ciindi nokuli mbungano zinji zibelesya Ŋanda ya Bwami yomwe, mweelede kumvwana kabotu akati kambungano kutegwa kutabi kwaatikizyanya kwabantu mubusena bulindilidwa naa amulyango wakunjilila, amutuzila twiinda bantu alimwi aabusena busiigwa myootokala.