Cikolo Camulimo Wateokrasi mu 2001
1 Kuli twaambo tunji twamu Magwalo tutupa kuti toonse katutola lubazu mbuli mbotukonzya mu Cikolo Camulimo Wateokrasi.—Tus. 15:23; Mt. 28:19, 20; Inc. 15:32; 1 Tim. 4:12, 13; 2 Tim. 2:2; 1 Pet. 3:15.
2 Pulogilamu yakubala Bbaibbele nsondo ansondo ncibeela cali kucitwa kwaciindi cilamfwu mucikolo. Eeci caamba kubala peeji lyomwe lya Bbaibbele buzuba bumwi abumwi. Alimwi kutalikila mumwaka uno, cibeela cakubala Bbaibbele cinooliko musondo imwi aimwi yakwiindulula kwakulemba. Mulongo wakubala Bbaibbele uuyungizidwe walo wakali kubikkilizigwa myaka yotatwe yainda wamanizigwa lino. Pele ikuti kamuyanda kubala Bbaibbele kwiindaa mulongo ooyo uubikkidwe, mulakonzya kulibambila pulogilamu yakubala yanu nobeni.
3 Makani No. 2 agwasya kuyiisya bakwesu “kubala” kabotu Jwi lya Leza kubuleya. (1 Tim. 4:13) Eelyo nomwapegwa cibeela cakubala, amuciinduluke-induluke kamubala cakupozya ziindi zili mbozibede. Ambweni inga mulakonzya kugwasigwa kwiinda mukuswiilila kuli baabo ibapasula kubala kutegwa muzyibe kubala kabotu akulomya mukwaamba mabala, akuncinca jwi alimwi zimbi buyo zijatikizya kubala kabotu.
4 Makani No. 3 alimwi a No. 4 azwa mubbuku lya Kukambitsirana, lyalo lyakabambilwa kunoobelesyegwa mumulimo wamumuunda. Ikuti naa cibeela ncomupedwe kacijisi makani manji aatakonzyi kwaambwa muciindi ncomupedwe, amusale buyo yaayo ngomubona kuti alagwasya kapati mucilawo cambungano yanu. Mulakonzya kucita bubambe bwa mbomuyooakanana makani buli boonse bweelela mucilawo canu.
5 Amusolekesye ikuzuzikizya zibeela zyoonse nzyomupegwa mucikolo. Amube aciindi cakulibambila kabotu alimwi kamwaambaula amoyo woonse. Muyooigwasya kapati mbungano alimwi andinywe lwanu muyoogwasigwa kwiinda mukutola lubazu amoyo woonse mu Cikolo Camulimo Wateokrasi mumwaka wa 2001.