Nzyomweelede Kwaamba Kujatikizya Mamagazini

Ngazi Yamulindizi Dec. 1

“Kufwumbwa nkomukkala munyika sunu kuli zintu ziyoosya. Mbwaanga kuyoowa kuli mbobuswaangene antenda, sena kuyoowa inga kwatugwasya mubukkale bwesu bwabuzubaa buzuba? Sena kuyoowa kuswaangene buti abukombi bwesu alimwi abubotu bwesu bwakumbele? Ibbuku lya Mukambausi 12:13 litukulwaizya ‘kuyoowa Leza mwini-mwini,’ sena muyeeya kuti cilakonzyeka ikuyoowa Leza waambwa kuti ngu Leza waluyando? [Amulindile bwiinguzi] Ino nkuyoowa kuli buti nkotweelede kutondezya Mulengi wesu Mupati kutegwa bukombi bwesu buzuminwe Anguwe? Eeyi magazini ilaingula mibuzyo eeyi yoonse.”

Galamukani! Nov. 8

“Mukuyeeya kwanu, ino nkaambo nzi ikulwana banakazi calunya ncokuvwulide? [Amulindile bwiinguzi] Ibanji bajana kuti, ikubelesya zyeelelo zyamu Bbaibbele kulagwasya ikusumpula bukkale bwamumukwasyi. [Amubale Ba-Efeso 4:31, 5:33] Imagazini ya Galamukani! ipandulula zyakukatalukwa nkobasyomezyedwe banakazi ibaumwa lyoonse.”

Ngazi Yamulindizi Dec. 1

“Aciindi ecino camwaka, ibantu banji bajisi bubi kupana zipego alimwi akukutauka milimo imwi mibotu. Eeci cituyeezya Mulawo Mubotu wakaambwaa Jesu mulugwalo lwa Mateyo 7:12. [Amubale] Sena muyeeya kuti cilakonzyeka kuutobela mulawo ooyu mwaka oonse mbouzulwa? [Amulindile bwiinguzi] Magazini eeyi ilapa twaambo tunji tupa kuzinzibala kuyeeya kujatikizya mutwe wakuti, ‘Sena Mulawo Mubotu Ucibeleka?’”

Galamukani! Dec. 8

“Ibbaibbele lisyomezya kuti kumbele taakwe naaba omwe uuyoti ‘Ndaciswa.’ [Amubale Isaya 33:24.] Kweelanaa cisyomezyo eeci, eeyi magazini ya Galamukani! yaamba zyabulwazi bwalo bupenzya tuulunzuma twabantu, bana alimwi abapati. Ijisi mutwe wakuti ‘Hope for Arthritis Sufferers.’ Ndisyoma kuti makani aali muzibalo zili mumagazini eeyi ayoomugwasya.”