Ikwiinduluka Twaambo Twa Muswaangano Wabbazu

Aaya makani aya kubelesyegwa kulibambila akwiinduluka pulogilamu yamuswaangano wabbazu yamumwaka wamulimo wa 2005. Icibalo cakuti, “Bubambe Bupya Bwakwiinduluka Mapulogilamu aa Miswaangano Yamubbazu” icijanika apeeji 4 mupepa lyamukati, cipandulula mboiya kweendelezyegwa. Mukwiinduluka ooku, amukacaabanye kabotu ciindi kutegwa mibuzyo yoonse ikabandikwe. Ikwiinduluka kweelede kubikkilwa maano mbotunga twaabelesya makani aakabandikwa.

BUZUBA BWAKUSAANGUNA CIBEELA CAMAFWUMOFWUMO

1. Ino ncinzi cinga catugwasya kujana busongo bwa Leza?

2. Ino nkusoleka kuli buti nkobacita aabo bali mubbazu kutegwa basikile bantu banji amakani mabotu?

BUZUBA BWAKUSAANGUNA CIBEELA CAKUMAZUBA

3. Ino nkaambo nzi ncociyandika ku Banakristo kuzumanana kabatasofwaazyidwe mumoyo? Ino eeci ciyanda kuti tucite nzi?

4. Ino mbuti mbotukonzya kutondezya kuti tuli aluumuno abakwesu?

5. Ino butontozi caamba nzi, alimwi ino inga twabutondezya buti kweelana ambotubelesya ciindi?

6. Ino ncinzi ncotwiiya kucikozyanyo ca Saulo a Nowa? Ino mbuti mbotunga twatondezya kuti ‘tulibombede’ lyoonse? (Jak. 3:17)

7. Ino mbuti Banakristo mbobanga babutantamuka bukkale bwakuupaupa ameso?

8. Ino mbuti mbotunga twatobela cikozyanyo ca Paulo mukukanana busongo bwa Leza?

BUZUBA BWABILI CIBEELA CAMAFWUMOFWUMO

9. Ino nkaambo nzi ncotweelede kubikkila maano notusala zyakucita, alimwi ino ncinzi ciya kutugwasya kucita boobo?

10. Ino nkusoleka kuli buti nkobacita aabo bali mubbazu kutegwa kabajanika lyoonse kumiswaangano, alimwi ino nimpindu nzi njobajana mukucita boobo?

11. Ino mbuti basilutwe bamikwasyi mbobanga bakulwaizya mikwasyi yabo?

12. Ino nziyandika zili buti zyabbazu nzyotwakaambilwa kuti tubikkile maano?

BUZUBA BWABILI CIBEELA CAKUMAZUBA

13. Mbubwena mbokwakakananwa mumakani aabuleya, ino mmilimo nzi mibotu yajanwa abusongo buzwa kujulu?

14. Ino nkaambo nzi ncocili cabufwubafwuba kulisyoma tobeni naa kusyoma baabo bateendelezyegwi abusongo bwa Leza? Ino muumbazu nzi motweelede kucenjela?

15. Ino nkuumapenzi aali buti busongo bwa Leza nkobutukwabilila?

16. Ino nkaambo nzi ncociyandika kuti tulubelesye lulayo ndotwakapegwa mupulogilamu yamuswaangano wabbazu?