Ikwiinduluka Twaambo Twa Muswaangano Waalubazu

Aaya makani aya kubelesyegwa kulibambila akwiinduluka pulogilamu yamuswaangano waalubazu yamumwaka wamulimo wa 2005. Icibalo cakuti, “Bubambe Bupya Bwakwiinduluka Mapulogilamu aa Miswaangano Yamubbazu” icijanika apeeji 4 mupepa lyamukati, cipandulula mboiya kweendelezyegwa. Mukwiinduluka ooku, amukacaabanye kabotu ciindi kutegwa mibuzyo yoonse ikabandikwe. Ikwiinduluka kweelede kubikkilwa maano mbotunga twaabelesya makani aakabandikwa.

CIBEELA CAMAFWUMOFWUMO

1. Ino nkaambo nzi ncokuyandika kuyaambele lyoonse mukuswiilila Jehova? Ino kuswiilila caamba nzi? (“Ncotweede Kuliswiilila Jwi lya Leza”)

2. Ino mbuti mikwasyi mboinga yazumanana kuba apulogilamu mbotu yakucita zintu zyakumuuya? (“Imikwasyi Iiswiilila Jwi lya Leza Kakunyina Kunyonganizyigwa”)

3. Ino mbuti aabo bali mubbazu mbubazyibelesya zyoolwe zyakukambauka kwamukwiizya? (“Amucite Zyoonse Cakuti Kube Bulemu kwa Leza”)

4. Ino nziiyo nzi nzyotwiiya kuzikozyano zyakucenjezya nzyotujana mubbuku lya Ba-Hebrayo caandaano 3 alimwi a 4? Ino mbuti Jehova mbwakanana kulindiswe sunu? (“Ikuswiilila Leza Nakanana Kulatukwabilila”)

5. Ino mwakajana mpindu nzi kumakani aalubbapatizyo? (“Kulyaaba Akubbapatizyigwa”)

CIBEELA CAKUMAZUBA

6. Ino Jesu wakali muntu uuli buti kacili mukubusi, alimwi ino mbuti bakubusi mubbazu mbobacitobela cikozyano cakwe? (“Ikuliswiililisya Jwi lya Leza Mbokubayumya Bakubusi Besu”)

7. Ino ninzila nzi zimwi bazyali nzyobanga batalika kuyiisya bana bavwanda alimwi abalesi munzila zya Jehova? (“Ibana Bamuswiilila Leza Alimwi Akwiiya”)

8. Ino ninzila nzi zimwi zigaminide motweelede kumuswiilila kapati Jehova, mwaanakwe alimwi a “muzike musyomesi uucenjede”? (Mt. 24:45) Ino nkaambo nzi nceciyandika kucita boobo? (“Kamubikkila Maanu Lyoonse Kumalailile aa Leza”)