Nzyomweelede Kwaamba Kujatikizya Mamagazini

Ngazi Yamulindizi Apr. 1

“Mubuumi bwabantu kuli zisyomezyo zinji zyacitwa akutazuzikizyigwa. Ino mulimvwa buti ikuti cisyomezyo capegwa amuntu ngomukonzya kusyoma? [Amulindile bwiinguzi.] Kuli ncotukonzya kwiiya kuzwa kuzintu zyakacitikila bana Israyeli nobakali afwaafwi kunjila mu Nyika Yakasyomezyedwe. Eeyi magazini ilaamba icakacitika alimwi aciyandika kulindiswe kutegwa tukabone kuzuzikizyigwa kwazisyomezyo zya Leza. Amubale Ba-Hebrayo 4:12.”

Ngazi Yamulindizi Apr. 1

“Sena kuli nomwakamvwa kale nkobaamba kuti sayaansi a Bbaibbele tazyeendelani? [Amulindile bwiinguzi.] Eeyi magazini ilalanga-langa kukwelana kwaliko kuzwa kaindi akati kasayaansi alimwi a cikombelo. Pele, alimwi ilijisi bumboni butondezya kuti sayaansi ini-ini ileendelana a Bbaibbele.” Amubatondezye mapeeji 6-7. Mpoonya amubale Mukambausi 1:7.

Ngazi Yamulindizi Apr. 1

“Ikuti mwalombwa kuba muzike wamuntu umwi, mmuntu uuli buti ngomunga mwasala kuti abe simalelo wanu? [Amulindile bwiinguzi. Mpoonya amubale 1 Ba-Korinto 6:20.] Eeyi magazini ilatondezya mbocigwasya kuba muzike wa Leza. Alimwi ilaamba nzyobeelede kucita bazike ba Leza alimwi acipego Leza ncapa aabo bamumvwida.”

Ngazi Yamulindizi Apr. 1

“Mbwaanga kutabikkila maano kuzintu zyakumuya alimwi akutalilemeka kulidumide mazubaano, tacikatazyi kubona ikaambo bana bamwi ncobacitila zintu zibyaabi. Ino muyeeya kuti ndulayo luli buti ndobayandika bana sunu? [Amulindile bwiinguzi.] Eeyi magazini ilatondezya ibazyali mbobayandika lugwasyo lwa Leza nobakomezya bana babo. Amubale Tusimpi 22:6, 15.”