Zyakwaamba Kujatikizya Mamagazini

Ngazi Yamulindizi July–September

“Inga ndakkomana kumvwa mbomuyeeya kujatikizya mubuzyo ooyu, sena mulumbe wamu Bbaibbele ulakonzya kubacinca bantu? [Amulindile bwiinguzi.] Amubone ncolyaamba Bbaibbele kujatikizya ncayelede kucita muntu kutegwa agwasyigwe. [Amubale Ba-Efeso 4:22, 24.] Cibalo eeci cilatondezya Ijwi lya Leza mbolyakabacinca bantu bamwi.”

Sinsimuka! July–September

“Zikombelo zilababbadelesya aabo bayanda kubbapatizyigwa, kucita mucado abaabo bajisi dilwe. Sena cileelela kubabbadelesya? [Amulindile bwiinguzi.] Amubone malailile Jesu ngaakapa basikwiiya bakwe. [Amubale Matayo 10:7, 8b.] Cibalo eeci cilatondezya Ibbaibbele ncolyaamba kujatikizya zikombelo zibbadelesya bantu.” Amutondezye cibalo citalikila apeeji 22.

Ngazi Yamulindizi July–September

“Bantu banji balomba lugwasyo kubafwu ciindi nobayanda kumana penzi limwi. Sena muyeeya kuti mubwini cilakonzyeka kwaambaula abantu bafwide? [Amulindile bwiinguzi. Mpoonya amubale Mukambausi 9:10.] Imagazini eeyi ilacipandulula cakusalazya iciimo cabantu bafwide alimwi ancolyaamba Bbaibbele kujatikizya baabo bayanda kwaambaula abafwide.”

Sinsimuka! July–September

“Bantu bamwi, ikapati aabo bacili bana bajisi cilengwa cakuseka naa kunonga bantu balemene. Sena kuli nomwakalibuzyide naa bantu aabo balemene balakonzya kukkomana? [Amulindile bwiinguzi.] Cibalo eeci cijisi makani aajatikizya bantu banji bakkomene nokuba kuti mbalema.” Amubale Isaya 35:5, 6.