Ino Mabbuku Ngomwaabila Alibonya Buti?

Ooyu mubuzyo mubotu kubuzya kujatikizya mabbuku aali oonse ngotuyanda kwaabila. Kufwumbwa bbuku litalimbonyi kabotu, ilyakacinca mubala, lijisi tombe, naa lizapukide talipi bulemu kumbunga yesu alimwi lilakonzya kupa kuti mukamwini ŋanda atabikkili maano kumulumbe mubotu uutola kubuumi butamani uuli mubbuku eelyo.

Ino inga twacita buti kutegwa mabbuku eesu kaaboneka kabotu? Banji bajana kuti cilagwasya kubikka antoomwe mabbuku aakozyanya mucibbeeke cabo camubukambausi. Mucikozyanyo, kuli mpobabikka mabbuku, mamagazini, mabroshuwa, matulakiti, alimwi azimwi buyo. Nobapilusya Bbaibbele amabbuku mpaelede kubikkwa mucibbeeke cabo camubukambausi, balacita oobo kabotu-kabotu kutegwa mabbuku atazapuki. Basikumwaya bamwi babikka mabbuku aabo mutukomo twapulasitiki tubalangala. Kufwumbwa nzila njotubelesya, tatuyandi kuti bantu batujanine tumpenda mumulimo wesu kwiinda mukubapa mabbuku atalibonyi kabotu.—2 Ko. 6:3.