Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu September

“Kamwaamba. Twamuswaya kwaciindi cisyoonto kutegwa tumutondezye cintu cikonzya kugwasya banabukwetene kuzwidilila mucikwati cabo. Ino muyeeya kuti ncintu nzi cipati cikonzya kupa kuti kutabi lukkomano mucikwati?” [Amulindile bwiinguzi.] Amubatondezye peeji yamamanino ya Ngazi Yamulindizi ya September 1, mpoonya amulange-lange antoomwe twaambo tuli ansi aamubuzyo wakusaanguna alimwi alugwalo lomwe lutazubulwidwe. Amubaabile mamagazini, alimwi akupangana kuti mukapilukile kuzoobandika mubuzyo uutobela.

Ngazi Yamulindizi September 1

“Twamuswaya akaambo kakuti bantu banji mucilawo cesu balalibuzya kaambo Leza ncazumizya kupenga. Sena kuli nomwakalibuzyide kaambo Leza ncazumizya kupenga? [Amulindile bwiinguzi.] Cilakkomanisya kuti Bbaibbele lisyomezya kuti kuyooba ciindi koomoka akucisa nokuyoomana. [Amubale Ciyubunuzyo 21:4.] Magazini eeyi ilanga-langa twaambo tupati-pati tosanwe ncokuli kupenga. Alimwi ilatondezya ncolyaamba Bbaibbele kujatikizya Leza mbwayookumanizya kupenga.”

Sinsimuka! September

“Tuliwaano kuti tumwaambile makani aajatikizya buzuba bwakulyookezya buli afwaafwi kusika—Halloween. Bamwi basala kutasekelela akaambo kakucenjezya kwamu Bbaibbele mbuli ooku. [Amubale Levitiko 19:31.] Bantu bamwi tabasyomi mumizimo, aboobo, buzuba bwa Halloween babubona buyo mbuli cakulikondelezya. Ino muyeeya buti kujatikizya buzuba oobu bwakulyookezya? [Amulindile bwiinguzi.] Magazini eeyi ilaamba mboyakatalika Halloween.”