Sena Inga Mwabatamba?

Mumbungano zinji, kuli basikumwaya ibabeleka buyo asyoonto mumulimo wabukambausi akaambo kakuciswa bulwazi butaponi naa akaambo kabucembele. (2 Ko. 4:16) Sena inga mwamutamba umwi uuli mubukkale buli boobu kuti amusangane nomweendelezya ciiyo ca Bbaibbele? Ikuti naa sikumwaya takonzyi kuzwa aŋanda, ambweni mulakonzya kweendelezya ciiyo aŋanda yakwe. Zimwi ziindi mulakonzya kupanga bubambe bwakubeleka antoomwe asikumwaya uuciswa-ciswa mumulimo wakuŋanda aŋanda naa kuunka anguwe mulweendo lwakupilukila lomwe naa nyendo zyobilo. Bunji bwabasikumwaya bacembeede balijisi luzyibo lunji mumulimo wabukambausi. Aboobo, kusolekesya kwanu takukakulwaizyi buyo mbabo, pele andinywe muyoogwasyigwa kapati. (Lom. 1:12) Kuyungizya waawo, Jehova uyoomulongezya akaambo kakusolekesya kwanu kutondezya luyando munzila iili boobu.—Tus. 19:17; 1 Jo. 3:17,18.