KUPONA BUUMI BWA BUNAKRISTO
Kulilemeka Kabotu Ciindi Nomuli Aŋanda Yamuntu
Banakristo ‘ncintu ceebelelwa mubbuwa lyazisobano kunyika.’ (1Kor. 4:9) Aboobo, taceelede kutugambya kuti bamukamwiniŋanda bamwi balatulangilila awindo naa kutuswiilila kunze aamulyango. Ŋanda ilakonzya kuti kaijisi kkamela alimwi amaikkulofooni zyalo zigwasya mukamwiniŋanda kutubona, kutuswiilila, alimwi akutulekkooda. Zeezyi nzila zimwi mbotukonzya kutondezya kulilemeka kabotu ciindi notuli aŋanda yamuntu.—2Kor. 6:3.
KWIINDA MUZINTU NZYOMUCITA (Flp. 1:27):
Amumulemeke mukamwiniŋanda kwiinda mukutasondela muŋanda yakwe. Mutanoolyi, kunywa, kutuma mafooni, naa tugwalo twaafooni ciindi nomwiimvwi amulyango
KWIINDA MUZINTU NZYOMWAAMBA (Ef. 4:29):
Ciindi nomuli aŋanda yamuntu, tamweelede kwaamba cintu cili coonse ncomutayandi kuti mukamwiniŋanda amvwe. Basikumwaya bamwi inga basala kucilekela limwi buya kwaambaula kutegwa babikkile maano kuzintu nzyobayanda kubandika amukamwiniŋanda