KUPONA BUUMI BWA BUNAKRISTO
Ndilili Nondikonzya Kucita Bupainiya Bwakugwasyilizya Alimwi?
Cilengaano ca Ezekieli ca tempele citondezya kuti bantu ba Jehova balakonzya kupa zituuzyo zyakuliyandila. Mbuti mbotukonzya kutola lubazu mukupa zipaizyo zyantembauzyo?—Heb. 13:15, 16.
Nzila imwi mbotu kapati, nkucita mulimo wabupainiya bwakugwasyilizya. Mwaka wamulimo wa 2018 ujisi myezi imwi iijisi mazuba aamu Mujibelo osanwe naa aamu Nsondo osanwe. Eeci cilagwasya kapati kuli baabo ibalembedwe mulimo wakumubili waciindi coonse alimwi kanji-kanji ibabeleka mulimo wakukambauka kumamanino aansondo. Kuyungizya waawo, basikumwaya balakonzya kusala kubeleka mawoola aali 30 naa aali 50 mumwezi wa March a April alimwi amwezi ngwaswaya mulangizi wabbazu.
Mbuti kuti bukkale bwesu kabutatuzumizyi kutola lubazu mumulimo wabupainiya bwakugwasyilizya? Tulakonzya kusolekesya kuyaambele mumulimo wesu wakukambauka alimwi ambweni akuyungizya ciindi cakukambauka. Kufwumbwa naa bukkale bwesu buli buti, luyando ndotujisi kuli Jehova alutukulwaizye kumubelekela kusikila mpotugolela mumwaka wamulimo wa 2018!—Hos. 14:2.
Mbuti mbondikonzya kwiiya busungu bwa Sabina Hernández?
AMWEEBELELE KAVIDIYO KAKUTI KWIINDA MUKUGWASYIGWA A JEHOVA, NDILAKONZYA KUCITA ZINTU ZINJI, MWAMANA MWIINGULE MIBUZYO IITOBELA:
Ncinzi cimukulwaizya Sabina kucita zinji mumulimo wa Jehova?
Ino cikozyanyo ca Sabina camukulwaizya buti?
Mumwaka wamulimo wa 2018, mwezi naa myezi iili njomuyanda kucita bupainiya bwakugwasyilizya?