Kuyungizya Luzyibo Lwesu Mumulimo Wakukambauka​—Kupanga Lweendo Lwakupilukila

KAAMBO NCOCIYANDIKA: Bantu banji ibatondezya luyandisisyo mumulumbe wa Bwami bayandaula kasimpe kajatikizya Leza. (Is. 55:6) Kutegwa tubagwasye kuyaambele, tweelede kupilukila cakwiinduluka-induluka. Bantu bajisi buyumuyumu bwiindene-indene, aboobo nzila nzyotukonzya kubelesya kuyungizya luyandisisyo lwabo azyalo zilakonzya kwiindana. Nokuba boobo, tuyoozwidilila kapati ikuti katulibambila kabotu alimwi akuba ambaakani mukuswaya kumwi akumwi, mpoonya katujisi makanze aakutalisya ciiyo ca Bbaibbele.

MBOTUKONZYA KUCITA OOBO:

• Amupilukile cakufwambaana, ambweni kakutanainda mazuba manji.—Mt. 13:19

• Amutondezye muuya wabulongwe alimwi abulemu. Amulikwaye

• Amutalike kwiinda mukumwaanzya cakumweta-mweta. Amubelesye zina lyakwe. Amumuyeezye kaambo ncomwaboolela alimwi—ambweni kwiingula mubuzyo, kuleta mamagazini, kumutondezya webbusaiti yesu, kumutondezya kavidiyo, naa kumutondezya mbocicitwa ciiyo ca Bbaibbele. Amuucince mubandi ikuti kayanda kuzyiba makani aambi.—Flp. 2:4

• Amutilile mbuto yakasimpe iili mumoyo wakwe kwiinda mukubandika lugwalo lomwe naa kumusiila mabbuku. (1Kor. 3:6) Amusole kupanga cilongwe anguwe

• Amubambe ntalisyo yakuswaya kutobela