Lugwalo Lwamwaka wa 2016

“Banji . . . bayoosulana. . . . Luyando lwabantu banji luyoomana.” (Mt. 24:10, 12) Kwiinda mukwaamba boobo, Jesu wakasinsima kuti bantu ibakkala mumyaka iisololela kukunyonyoonwa kwamunzi wa Jerusalemu mu 70 C.E., tiibakali kunoojisi luyando. Mukwiimpana, basikwiiya ba Jesu bakali kuyoozyibwa kwiinda muluyando ndobakali kutondezya akati kabo. (Joh. 13:35) Eelo kaka kulangilwa kuti Banakristo ba Hebrayo bamu Jerusalemu bakakulwaizyigwa kapati nobakabala majwi aa Paulo aakubalumbaizya kuti bakalijisi luyando lwabunyina alimwi akubalailila kuti bazumanane kulutondezya!

Sunu, tulaafwaafwi aciindi cakunyonyoonwa kwabweende bwazintu bwa Saatani bwanyika yoonse mboizulwa. Mbubonya mbocakabede kubakwesu bamumwaanda wamyaka wakusaanguna, andiswe tupona akati kabantu ibayandisya mali, zyakulikondelezya, ibaliyanda kapati pele ibatamuyandi Leza alimwi abasimukobonyina. (2 Tim. 3:1-4) Nokuba boobo, luyando lwabunyina akati ka Bakamboni ba Jehova lwiindila buya kuyuma munyika yoonse mboizulwa. Atumutembaule Jehova, walo uuli ngomusemu waluyando, kwiinda mukuzumanana kutondezya luyando lwabunyina akati kesu.