Zitondezyo Zyacikozyanyo

Kutamba Bantu ku Ciibalusyo

“Twamuswaya kuti tumutambe amukwasyi wanu ku Ciibalusyo cicitwa mwaka amwaka alimwi ciyoocitwa nyika yoonse mu March 26. Buzuba oobu mbwakwiibaluka lufwu lwa Jesu. Kuyoopegwa makani aa Bbaibbele aatabbadelelwi aayoopandulula mbolutugwasya lufwu lwakwe. Kapepa aaka kalatondezya busena alimwi aciindi nuuyoocitwa muswaangano mucilawo cesu.”

Ngazi Yamulindizi March 1

“Bamwi bantu balabuzya mubuzyo ooyu, ‘Ino tuzyi buti kuti Jesu wakabusyigwa ncobeni?’ Sena kuli nomwakalibuzyide mubuzyo ooyu? [Amulindile bwiinguzi.] Amubone kaambo bwiinguzi ncobuyandika kapati. [Amubale 1 Bakolinto 15:14.] Magazini eeyi ilapandulula mbotuzyiba kuti bubuke taakali makani aakupanga buyo.”

Sinsimuka! March

“Sena tamuzumini kuti mazuba aano cilakatazya kukomezya bana? [Amulindile bwiinguzi.] Bazyali banji bajana lulayo lubotu mu Bbaibbele. Mucikozyanyo, kapango aaka kabagwasya bamausyi bana kubikkila maano kulumbaizya bana babo akubapa kuba basicamba. [Amubale Bakolose 3:21.] Cibalo eeci cilatondezya njiisyo zyosanwe zikonzya kubagwasya bamausyi bana.”