Pas Bilong Ol Man

Putim Gut Tingting  Mi bin hatwok tru long putim gut tingting taim tisa i toktok. Tasol stori bilong yupela “Ol Yangpela i Laik Save . . . Olsem Wanem Mi Ken Putim Tingting Long Ol Samting?” (Oktoba 8, 1998) em i bin helpim mi long senisim pasin bilong mi long klasrum. Taim mi kaunim dispela stori bilong yupela, mi bin senisim dispela pasin, na nau mi save bosim gut tingting.

M. A. M., long Brasil

Mi gat hevi long putim gut tingting long wanpela samting. Mi no bin save olsem bilong putim gut tingting, i mas i gat wanpela samting i kirapim bel bilong mi long mekim olsem na mi mas bosim gut skin. Mi bai hatwok long mekim olsem, tasol mi ting mi inap mekim!

D. R. A., long Amerika

Kirap! i gat planti gutpela stori bilong helpim ol yangpela olsem mi. Dispela stori i bin helpim mi, long wanem, pasin bilong i no putim gut tingting em wanpela hevi bilong mi. Tenkyu tru.

M. N., long Itali

Skulim Ol Pikinini Long Laikim Ol Samting God i Wokim  Taim mipela i skulim ol pikinini bilong mipela, mipela i save wok strong long helpim ol long pilim tru ol gutpela samting Jehova i wokim na long pasin sori em i givim long yumi. Mipela i save mekim wok long ol stori i save kamap oltaim long Kirap!, dispela stori long “Jeni Ren​—⁠Liklik Pisin, Strongpela Krai.” (Septemba 8, 1998) Ol pikinini bilong mi i save amamas tru! Mi amamas tru long toktok wantaim ol long ol kain stori olsem.

K. A., long Amerika

Ol Driman Nogut  Mi amamas tru long ol tok bilong stori “Planti Pikinini i Driman Nogut” long “Sampela Tok i Kam Long Olgeta Hap,” (Septemba 8, 1998) Ol pikinini bilong mi i save driman nogut, tasol mi save tokim ol long ol i no ken stori long en, ol i mas slip tasol. Mi kaunim dispela tok yupela i kamapim na nau mi inap helpim gut ol pikinini long dispela hevi bilong ol. Plis yupela i mas kamapim yet ol kain gutpela stori olsem bilong helpim mipela.

R. N., long Simbabwe

Ol Laion i Birua  Mi laikim tru dispela stori “ ‘Longlong Rot Bilong Tren’ Bilong Is Afrika.” (Oktoba 8, 1998) Tasol yupela popaia long tok olsem dispela tupela laion i birua long ol man em wanpela laion man na laion meri. Tupela wantaim em laion man.

K. B., long Amerika

“Kirap!” i popaia long dispela tok, na mipela i tok tenkyu.​—⁠Edita.

Pasin Nogut Tru Long Taim Bilong Yumi  Nau tasol mi kisim Kirap! bilong Ogas 8, 1998 long posofis. Taim mi lukim tok i stap long skin bilong en, mi sindaun na kaunim dispela stori, “Pasin Nogut Tru Long Taim Bilong Yumi​—⁠Em Taim Bilong Lusim Tingting?” Mi bel hevi tru long lukim ol kain pasin nogut ol man inap kamapim. Mi wetim tru dispela taim i kamap na olgeta man bai stap bel isi tru.

T. D., long Amerika

Dispela nius i bekim ol askim mi bin tingting long en inap longtaim liklik. Mi ting olsem God i mekim wok long rot bilong ol nius bilong yupela bilong helpim ol man olsem mi.

T. C., long Amerika