Yu Save?
(Yu inap painim bekim bilong ol dispela askim long ol ves bilong Baibel mipela putim bihain long ol askim, na tu, olgeta bekim bilong ol i stap long pes 18. Bilong kisim sampela save moa, lukim buk “Insight on the Scriptures,” em Sosaiti Wastaua Bilong Nu Yok i Wokim.)
1. Aposel Jon i lukim husat “i stap namel long ol dispela lam,” na em i givim tok long Jon bilong givim long 7-pela kongrigesen? (KTH 1:13)
2. Pol i tok yumi “no ken larim pasin nogut i winim [yumi],” olsem na em i tok yumi mas mekim wanem? (Rom 12:21)
3. Jisas i tingim wanem samting taim em i tok: “Sapos wanpela man i strong long yu mas karim kago bilong en i go inap wan kilomita, orait yu mas karim kago i go inap 2 kilomita”? (Matyu 5:41)
4. Pita i tok ol meri Kristen i no ken tingting tasol long bilasim gras na putim ol kain kain bilas gol, nogat, ol i mas putim wanem kain bilas? (1 Pita 3:3, 4)
5. Aisaia i kolim Abraham olsem wanem bilong makim em i papa bilong lain Israel? (Aisaia 51:1)
6. Bilong wanem Devit i no laik dringim wara 3-pela soldia i go kisim long Betlehem, na bringim i kam bek long em taim em i stap long hul bilong maunten bilong Adulam? (2 Samuel 23:15-17)
7. Taim Devit i lukim Batseba long namba wan taim, Batseba i wok long mekim wanem? (2 Samuel 11:2)
8. Pol i tok Krais i no bin raitim ol tok long bel bilong ol Kristen bilong Korin long ing, tasol em i raitim long wanem samting? (2 Korin 3:3)
9. Long wanem rot Jehova i rausim ol grasopa bilong namba 8 hevi, na i no gat wanpela moa i stap long Isip? (Kisim Bek 10:19)
10. I gat wanem ol as na Jehova i kilim Sol i dai? (1 Stori 10:13)
11. Taim Pol i stap olsem wanpela kalabusman, em i kalap long narapela sip long pasis bilong wanem biktaun bilong i go long Rom? (Aposel 27:5)
12. Olsem wanem Jehova i kamapim long lain Israel bilong bipo, olsem em i save tingim ol meri em man bilong ol i dai na ol pikinini man ol i no gat papa? (Kisim Bek 22:22-24; Lo 24:17-21)
13. Ol i givim wanem nem long hap graun ol pris i baim long mani em Judas i bin tromoi insait long tempel? (Matyu 27:3-8; Aposel 1:19)
14. Bilong wanem Pita i krosim Saimon taim em i laik baim long mani namba bilong givim spirit holi long man? (Aposel 8:20, 21)
15. Sera i gat hamas krismas taim em i karim Aisak? (Stat 17:17)
16. Taim bikpela hangre i kamap, Elimelek na meri bilong em Naomi i go sindaun long wanem hap, na long dispela hap pikinini man bilong ol i maritim Rut? (Rut 1:1-4)
[Blok long pes 18]
Ol Bekim
1. Jisas Krais, em dispela man Jon i kolim em olsem “Pikinini Bilong Man”
2. “Mekim gutpela pasin na bai yu daunim pasin nogut”
3. Em i tok piksa long yumi mas redi long daun na bihainim ol tok i stret long bihainim, maski em hatwok long mekim
4. “Olkain bilas i no inap long bagarap. . . . Em pasin bilong i stap belgut na i stap bel isi”
5. “Ston [God i] bin katim na kisim yupela long en”
6. Long wanem, wara i makim blut bilong ol, olsem ol i bin redi long i dai bilong kisim dispela wara
7. Waswas
8. “Em i raitim long Spirit bilong God bilong i stap oltaim”
9. Strongpela win i kam long hap san i go daun na karim olgeta grasopa i go long solwara Retsi
10. Em i no bihainim tok bilong Jehova taim em i sakim ol lo bilong em, na em i askim wailis bilong ol spirit long helpim em
11. Maira long provins Lisia
12. Em i putim lo bilong ol narapela i mas lukautim ol na givim ol samting long ol
13. Akeldama, o “Graun Bilong Blut”
14. Em i kamapim olsem em i gat tingting kranki taim em i laik baim “samting God i save givim olsem presen,” na bel bilong em “i no stret long ai bilong God”
15. Em i gat 90 krismas
16. Moap