Jehova i Givim Wanpela Man Bilong Helpim Yumi
29 Namba wan ensel God i wokim i olsem namba wan pikinini bilong em.
God i laikim tumas em, na long rot bilong em bai God i bagarapim ol man nogut na lukautim ol manmeri i save bihainim tok.—Jon 3:16, 36
30 Jehova i salim Pikinini bilong em i kam long graun. Ol i kolim em Jisas. Nem bilong mama bilong em, em Maria.—Luk 1:30-35
31 Taim Jisas i bikpela pinis em i lainim ol man long planti gutpela samting. Em i lainim ol olsem Jehova tasol em i God tru.—Mak 12:29, 30
Jisas i tok yumi mas lotuim Jehova wanpela tasol.—Matyu 4:10; Jon 4:23, 24
Na em i lainim ol manmeri long kingdom bilong Jehova.—Luk 17:20, 21
32 Jisas i oraitim ol sikman na mekim planti gutpela wok. Em i no mekim sampela pasin nogut.—Aposel 10:38; 1 Pita 2:21, 22
Tasol olsem wanem em i kisim bek yumi long sin na i dai?
33 Em i givim ofa long God bilong helpim ol gutpela manmeri. Bipo God i bin tokim ol man long givim ol animal long em olsem ofa bilong tekewe rong bilong ol.—Hibru 7:25, 27
34 Jisas i no givim ol animal olsem ofa. Em i givim em yet olsem ofa bilong baim bek yumi.—Matyu 20:28; Hibru 10:12
Bilong wanem em i mekim olsem? Yu save?