Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • w09 7/1 p. 15-17
  • Visitim Narakain Ples Bilong Prinim Ol Buk

No gat vidio bilong dispela seksen.

Sori, popaia kamap long lodim vidio.

  • Visitim Narakain Ples Bilong Prinim Ol Buk
  • Wastaua i Tokaut Long Kingdom Bilong Jehova—2009
  • Wankain Infomesen
  • Ol Samting i Kamapim Pasin Laikim, Bilip, na Pasin Bilong Bihainim Tok
    Wastaua i Tokaut Long Kingdom Bilong Jehova—2005
  • Ol i Wokim Ol Buk Long Taim i Gat Tambu
    Wastaua i Tokaut Long Kingdom Bilong Jehova—1993
  • Wanpela Skul Planti Man i Insait Long En
    Kirap!—2001
Wastaua i Tokaut Long Kingdom Bilong Jehova—2009
w09 7/1 p. 15-17

Visitim Narakain Ples Bilong Prinim Ol Buk

ATING dispela nius nau yu ritim i no namba wan Wastaua yu bin lukim. Ating ol Witnes Bilong Jehova i bin kam long haus bilong yu na tilim nius Wastaua na Kirap! bilong helpim yu long kliagut moa long ol tok bilong Baibel. O ating yu bin lukim ol Witnes i tilim ol kain nius bilong Baibel long rot o long ples maket. Long olgeta mun ol i save tilim olsem 35 milion nius, em planti nius tru, winim olgeta narapela nius bilong lotu ol man i save tilim.

Tasol sampela taim yu bin tingting long ol i save wokim we ol dispela nius na wokim olsem wanem? Bilong bekim dispela askim, yumi ken raun long wanpela bilong planti ples we ol Witnes Bilong Jehova i save prinim ol buk na nius long ol narapela narapela kantri​—dispela ples i stap long Wallkill, New York, long Amerika. Planti man long olgeta hap em ol i save ritim dispela nius, ol i no inap i go na visitim dispela ples bilong prinim ol buk na nius bilong ol Witnes Bilong Jehova i stap long Amerika, olsem na dispela raun nau yumi mekim long rot bilong ol stori na piksa bai helpim yu long kisim sampela save long dispela ples.

Bilong prinim ol buk na nius, pastaim ol i mas raitim ol tok. Grafiks Dipatmen i kisim ol tok long rot bilong ol elektronik fail long Dipatmen Bilong Raitim Tok long Brooklyn, New York. Ol i yusim ol dispela fail bilong wokim ol plet bilong prinim ol buk na nius. Long olgeta mun, ol i save bringim i kam long Wallkill inap 1,400 traipela rol pepa, na ol i save yusim 80 i go inap 100 ton pepa long olgeta de bilong prinim ol buk na nius. Hevi bilong sampela rol i winim 1,300 kilogram. Ol dispela pepa i go insait long 5-pela traipela masin bilong prinim ol buk, em ol i bin putim ol plet bilong prinim ol buk insait long ol dispela masin. Ol masin i prinim pepa, katim, na foldim i go long ol hap i gat 32 pes long en. Nius yu ritim nau i wanpela hap olsem. Olsem wanem long ol buk? Long ples bilong wokim buk, ol i save bungim na pasim wantaim ol dispela hap i gat 32 pes na mekim i kamap ol buk. Long wanpela de, wanpela bilong tupela masin bilong wokim ol buk inap wokim 50,000 buk i gat strongpela karamap o 75,000 buk em karamap bilong ol i malumalum. Narapela masin bilong wokim ol buk inap wokim 100,000 buk long wanpela de em karamap bilong ol i malumalum.

Long 2008, ol i wokim olsem 28,000,000 buk long dispela ples, na winim 2.6 milion bilong ol dispela buk em ol Baibel. Insait long wankain taim, ol i prinim 243,317,564 nius. Dispela ples i gat ol buk na nius bilong Baibel long 380 tok ples. Taim ol i wokim pinis ol buk na nius, wanem samting i kamap bihain long dispela?

Inap 12,754 kongrigesen bilong ol Witnes Bilong Jehova long Amerika na 1,369 kongrigesen long hap bilong Karibian na Hawaii, ol i save salim oda long dispela ples bilong kisim ol buk na nius. Dipatmen Bilong Salim Ol Buk i putim ol buk na nius long ol boks na stretim rot bilong salim ol i go long atres i stret. Long olgeta yia, ol i salim inap 14 milion kilogram buk na nius long ol kongrigesen long Amerika.

Nambawan bikpela samting bilong dispela ples bilong wokim ol buk samting em ol manmeri, na i no ol masin. Winim 300 manmeri i wok long ol dipatmen bilong prinim ol buk na nius​—Grafiks, Wokim Sediul, Prinim Ol Buk, Wokim Ol Buk, na Dipatmen Bilong Salim Ol Buk i go. Olgeta dispela wokman i mekim wok volantia na ol i no kisim pe, na krismas bilong ol em 19 i go inap long 92.

Ol i save tingim tru ol man​—em ol manmeri husat i amamas long kisim ol dispela buk na nius, na ol stiatok bilong Baibel i stap long ol bai skulim, strongim bel, na stiaim ol. Gutpela sapos yu wanpela bilong ol dispela lain em ol buk na nius ol i prinim long dispela hap i helpim yu long wok yet long kisim save long God Jehova na Jisas Krais, em dispela save inap bringim man long laip oltaim.​—Jon 17:3.

[Ol piksa long pes 16]

[Piksa long pes 17]

    Tok Pisin Pablikesen (1983-2025)
    Log Aut
    Log In
    • Tok Pisin
    • Serim
    • Preferens
    • Copyright © 2025 Watch Tower Bible and Tract Society of Pennsylvania
    • Ol Lo Bilong Yusim
    • Privacy Policy
    • Ol Praivesi Seting
    • JW.ORG
    • Log In
    Serim