Askim

◼ Sapos yumi yet i putim kontribiusen taim yumi kisim ol nius, na bihain yumi putim kontribiusen yumi kisim long ol man yumi tilim nius long ol, dispela i makim olsem yumi putim kontribiusen inap tupela taim long bokis kontribiusen bilong helpim wok bilong Sosaiti long olgeta hap?

Nogat. Ol kontribiusen yumi putim long ol bokis kontribiusen bilong helpim wok bilong Sosaiti long olgeta hap, em i no bilong ol buk na nius tasol, nogat. Ol i no makim pe bilong ol buk na nius ol pablisa na ol man i amamas long harim tok ol i kisim. Taim ol pablisa i givim kontribiusen, dispela i bilong helpim wok bilong lukautim ol brens-ofis, ol haus Betel, ol skul bilong ol misineri na ol elda na kongrigesen sevent, ol wasman raun, na planti narapela wok samting bilong inapim wok Jisas i bin tokim ol disaipel bilong em long mekim. Wok bilong wokim ol nius samting em i liklik hap tasol bilong dispela wok Jisas i givim.

Olsem na taim yumi kisim ol kontribiusen long ol man i amamas long harim tok, yumi no ken tok olsem dispela kontribiusen i bilong baim “ol buk na nius samting.” Yumi tokim ol olsem ol man i laik tru long ritim ol buk na nius bilong yumi ol i ken kisim, na yumi no makim pe bilong en. Ol kontribiusen ol man i givim i bilong helpim wok bilong autim tok long olgeta hap. Na ol kontribiusen ol pablisa i givim i bilong mekim wankain wok.