Ol Miting Bilong Wok Bilong Jun
Wik i Kirap long Jun 1
Singsing 133
10 min: Ol toksave bilong kongrigesen.
20 min: “Autim Tok Long Longwe Teritori na Ol Ples Yumi No Save Autim Tok Planti Taim Long En.” Wasman bilong wok autim tok em i ken lukautim dispela hap. Paslain long miting, makim sampela brata sista i save gut long kaunim tok, na ol i ken redi long kaunim ol paragraf. Kaunim pinis paragraf, orait kamapim askim bilong en.
15 min: “Ol Ripot Bilong Autim Tok Long Longwe Teritori.” Long yia bilong wok bilong 1991, Sosaiti i raitim pas i go long 116 kongrigesen na ol grup i stap longwe long kongrigesen, na makim hap teritori bilong ol i go autim tok long en. Tasol rot i pas bilong mipela i salim tok i go long tupela kongrigesen long Bogenvil na long kongrigesen bilong ailan Tasman i stap long longwe hap, olsem na mipela i no bin makim hap teritori bilong ol.
Singsing 39 na beten.
Wik i Kirap long Jun 8
Singsing 211
10 min: Ol toksave bilong kongrigesen.
20 min: “Kirapim Man Long Harim Tok Long Taim Yu Autim Tok Long Em Long Namba Wan Taim.” Makim wanpela brata i save gut long kaunim tok, na bai em i ken kaunim ol paragraf. Kaunim pinis paragraf, orait brata i lukautim dispela hap i ken kamapim sampela askim em yet i bin redim bambai em inap toktok gut wantaim ol brata sista long ol dispela tok.
15 min: Wok Bilong Bungim Ol Man i Laik Lotuim God. Wanpela brata i ken lukim ol tok i stap long pes 3-7 bilong Wastaua bilong Janueri 1, 1992. Stori liklik long ol tok i stap long pes 5 i makim wanem hap taim yumi stap long en na wanem ol wok i stap yet na yumi mas mekim. Sapos i gat taim, orait kamapim sampela stori i makim olsem wok bilong ‘bungim ol man’ i kamap bikpela.
Singsing 209 na beten.
Wik i Kirap long Jun 15
Singsing 139
10 min: Ol toksave bilong kongrigesen. Ripot bilong ol akaun.
17 min: “Bilong Wanem Yu Mas Laik Long Mekim Wanpela Baibel-Stadi?” Paslain long miting makim sampela brata sista i save gut long kaunim tok, na bai ol i ken kaunim ol paragraf. Taim ol i kaunim pinis wanpela paragraf, orait kamapim askim bilong en. Singautim wanpela pablisa o painia i kam antap long pletfom, em i bin helpim wanpela Baibel-stadi long kamap strong na nau dispela stadi i dediket na baptais pinis. Askim em, em i gat wanem tingting long Baibel-stadi bilong em, na Baibel-stadi i gat wanem tingting long em? Na askim em tu, taim em i mekim dispela stadi, dispela i helpim em yet olsem wanem?
18 min: Pasin Bilong Lotuim Ol Tumbuna. Wanpela elda i ken lukautim dispela hap. Toktok wantaim kongrigesen long ‘Pasin Bilong Lotuim Ol Tumbuna.’ Lukim ol tok i stap long pes 2, 3, 5, 6, 13, 14, 28 na 29 bilong nupela buklet, Tewel Bilong Ol Daiman.
Long nau ol man i mekim planti samting bilong litimapim nem bilong ol man i dai pinis. Sampela i lotuim ol daiman olsem ol i stap laip yet. I gat ol piksa na stori bilong helpim ol man long tingim ol bikman i dai pinis. Stori long sampela hevi i painim ol man long Papua Niugini taim ol i lotuim ol tumbuna na ol wanblut bilong ol i dai pinis.
Mekim liklik soim olsem wanpela papa o mama i toktok wantaim wanpela pikinini bilong em i gat 14 o 15 krismas samting. Papa o mama i ken kamapim sampela tok long pes 19 long buklet Tewel Bilong Ol Daiman, bilong helpim dispela pikinini long save olsem: Sapos em i lukim ol video o piksa wokabaut nogut i helpim wok bilong ol spirit nogut o i helpim dispela tingting olsem tewel bilong ol daiman inap kam bek na nogutim ol man i stap laip, orait dispela samting inap nogutim em. Stori long wanem samting tru i painim man i dai pinis, na i gat kirap bek bilong helpim ol man i dai pinis. Sapos pikinini i save long dispela samting, orait em i no ken pret long man i dai pinis. Pikinini i ken kamapim tok olsem em i laik abrusim ol video samting i helpim wok bilong ol spirit nogut.
Singsing 15 na beten.
Wik i Kirap long Jun 22
Singsing 72
10 min: Ol toksave bilong kongrigesen.
20 min: “Mekim Ol Tok Ol Man i Ken Pilim Tru na Bai Ol i Laik Harim.” Wanpela elda i save gut long pasin bilong autim tok i ken toktok wantaim tupela o tripela painia o pablisa. Stori long kain kain tok bilong mekim long man bilong haus, em ol tok i gutpela bilong helpim ol man i stap long teritori bilong yupela.
15 min: Yu Save Laikim Tru Oganaisesen Bilong Jehova Long Graun? Sapos inap, orait wanpela elda i ken lukautim dispela hap. Em i ken stori long ol tok bilong ‘Yu Save Laikim Tru Oganaisesen Bilong Jehova Long Graun?’ i stap long pes 30 na 31 long Wastaua bilong Novemba 1, 1991. Kirapim ol brata long bilip tru long oganaisesen na givim bel long en.
Singsing 101 na beten.