Yu Tu Inap Amamas Long Kisim Ol Gutpela Ekspiriens!

Sampela pablisa inap stori long planti gutpela ekspiriens long taim ol i autim tok long wanpela man o taim ol i mekim gobek na ol i kisim bikpela amamas. Ol kain gutpela ekspiriens olsem i no save kamap nating. Planti i save kamap, long wanem, ol pablisa i save wok strong. Ol pablisa i no save gut long pasin bilong toktok gut na i no save gut long mekim ol gobek, ol tu inap kisim planti gutpela ekspiriens olsem ol narapela.

Em hia sampela samting ol brata i save i helpim ol pablisa long kisim planti gutpela ekspiriens: (1) Ol i save go autim tok long olgeta taim, inap sampela taim long olgeta wik, na dispela i opim planti rot long ol inap toktok wantaim ol man; (2) ol i no save hariap long kisim tingting olsem ol man bilong haus bai i no laik harim tok, nogat; ol i gat strongpela tingting olsem ol man bai harim tok; (3) ol i save tingim gut ol man i laik harim tok, na soim gutpela pasin long ol na bai ol man i pilim olsem ol i laikim ol; (4) ol i save wok strong na lusim bikpela hap taim long mekim ol gobek na tu long go lukim ol man i no bin i stap long haus na (5) ol i gat tingting long kirapim ol nupela Baibel-stadi.

Bihain long yu skelim ol wok bilong yu, ating yu inap save olsem wanem yu tu inap kisim amamas long planti ol gutpela ekspiriens, em ol i save mekim na bai yumi amamas long wok autim tok na kamapim planti gutpela kaikai.