Ol Miting Bilong Wok Bilong Mas
Wik i Kirap Long Mas 4
Singsing 1
10 min: Ol toksave bilong kongrigesen. Sampela Toksave bilong Wok Kingdom.
15 min: “Litimapim Nem Bilong Jehova Long ‘Olgeta De.’ ” Ol askim na bekim. Sapos i gat taim kaunim paragraf 2-5. Kirapim ol brata sista long tingim wok painia haptaim na painia oltaim.
20 min: “Save i Bringim Man Long Laip.” Stori long ol pasin bilong kirapim tok olsem i stap long dispela hap. Mekim wanpela o tupela soim.
Singsing 78 na beten.
Wik i Kirap Long Mas 11
Singsing 164
10 min: Ol toksave bilong kongrigesen. Ripot bilong ol akaun.
20 min: “Skul Bilong Wok Autim Tok i Helpim Yu—Hap 2.” Wasman bilong skul i ken mekim dispela tok. Kirapim olgeta i winim mak long insait long skul, na mekim gut tok ol i makim bilong ol.
15 min: Famili i Mas Mekim Olgeta Samting Wantaim. Wanpela papa i toktok wantaim famili long pasin bilong wok gut wantaim, olsem i stap long Wastaua bilong Septemba 1, 1993, p. 16-19. Toktok long pasin bilong mekim famili-stadi na long mekim wok autim tok. Stori long olsem wanem ol famili bilong nau ol i bruk bruk, long wanem, ol i no save mekim ol samting wantaim, na tingting bilong ol i narapela narapela long ol samting ol i laik mekim. Stadi long Tok Bilong God na mekim wok autim tok wantaim, em i olsem wanpela blesing bilong famili Kristen. Stori olsem papa i gat wok bilong stretim gut ol dispela samting na mama i mas wok gut wantaim em. Ol pikinini i mas amamas long mekim ol wok bilong spirit na pas gut wantaim ol papamama. Famili bai stap wanbel na bai stap strong bilong sakim pasin bilong dispela graun em i givim hevi moa long ol famili.
Singsing 211 na beten.
Wik i Kirap Long Mas 18
Singsing 6
10 min: Ol toksave bilong kongrigesen. Ol brata sista i mekim ol Baibel-stadi ol i mas kirapim ol stadi i wok long kamap strong long ol i mas mekim ol samting bilong kamap pablisa i no baptais. Ol papamama tu inap helpim ol pikinini bilong ol long kamap pablisa. Stori long ol stretpela pasin ol i mas bihainim olsem i stap long buk, Lo Bilong Yumi Bilong Mekim Wok Autim Tok, p. 97-100.
15 min: Kuskus i kamapim ol tok i stap long buk Lo long p. 101-104. Sapos inap, wokim piksa bilong pepa Ripot Bilong Wok Autim Tok na pepa Ripot Bilong Stadi long blakbot na mekim wok long en taim yu kamapim ol tok. Kamapim klia bilong wanem em bikpela samting long ol i mas hariap long putim ripot long pinis bilong mun na ol i raitim stret ol samting long en.
20 min: “Helpim Ol Man Long Kisim Save i Bringim Man Long Laip.” Stori long pasin bilong kirapim tok taim yu mekim ol gobek olsem i stap long dispela hap. Mekim wanpela o tupela soim. Tokim ol long putim mak long kirapim ol Baibel-stadi.
Singsing 130 na beten.
Wik i Kirap Long Mas 25
Singsing 5
15 min: Ol toksave bilong kongrigesen. Stori long “Ol Samting Bilong Tingim Long Memorial.” Tokim ol brata bilong wanem em i bikpela samting long yumi mas kam long Memorial. (Lukim Wastaua, Mas 1, 1985, p. 19-21.) Stori long ol samting yumi ken mekim bilong helpim ol lapun, na ol sikman, na ol nupela manmeri long kam. Stori long sampela rot bilong mekim bikpela wok autim tok moa long dispela wik. Toksave bilong ol kuskus: Taim Memorial i pinis yupela i mas salim pepa Ripot Bilong Memorial (S-7-MP) i go hariap long brens-ofis. Olgeta wan wan kongrigesen o grup i mas salim ripot bilong ol. Sapos ol i bung wantaim narapela kongrigesen o grup, orait ol i mas bungim ol ripot wantaim na salim i go.
15 min: Askim. Wanpela elda i ken mekim dispela tok. Stori long ol samting i kirapim yumi na yumi amamas long givim samting, olsem i stap long Wastaua, Janueri 15, 1992, p. 16-17.
15 min: “Redi Gut Pastaim—Em Rot Bilong Mekim Gut Wok.” Ol askim na bekim. Stori olsem, long mun Epril na Me bai yumi mekim wok long tilim sabskripsen bilong Wastaua na Kirap! Yumi ken redi nau long kisim ol magasin na ol pepa bilong sabskripsen, na redi gut long mekim wok wantaim kongrigesen long taim bilong De Magasin.
Singsing 7 na beten.