Ol Miting Bilong Wok Bilong Epril
Wik i Kirap Long Epril 1
Singsing 132
10 min: Ol toksave bilong kongrigesen. Na Ol Toksave bilong Wok Kingdom. “Autim Tok Long Olgeta Wik.” Toktok wantaim ol pablisa long ol bikpela tok bilong dispela hap. Kolim sampela bikpela samting bilong Memorial bilong yupela.
20 min: “ ‘Wok Strong Long Mekim Ol Gutpela Wok’ Long Epril!” Wasman bilong wok autim tok i ken kamapim ol tok bilong paragraf 1-10 long rot bilong ol askim na bekim. Stori long (1) ol samting kongrigesen i laik mekim bilong mekim bikpela wok autim tok moa long Epril, (2) olsem wanem yumi ken helpim ol narapela long ol i ken insait long dispela wok, na (3) olsem wanem ol nupela pablisa na ol pikinini tu i ken insait long en.
15 min: “Painim Ol Man i Gat Gutpela Bel.” Stori long ol pasin bilong kirapim tok olsem i stap long Wok Kingdom na mekim tupela soim bilong dispela kain kirap bilong tok.
Singsing 20 na beten.
Wik i Kirap Long Epril 8
Singsing 72
15 min: Ol toksave bilong kongrigesen. Ripot bilong ol akaun. Stori long sampela gutpela rot bilong helpim ol nupela man i bin i kam long Memorial long kamap strong long ol samting bilong spirit. Kamapim tok bilong Wastaua [tok Inglis], Epril 1, 1991, p. 9-12.
15 min: “Mekim Wok Bilong God Long San na Long Nait.” Ol askim na bekim. Kaunim paragraf 5 na 6.
15 min: “ ‘Wok Strong Long Mekim Ol Gutpela Wok’ Long Epril!” Kamapim ol tok bilong paragraf 11-15 long rot bilong ol askim na bekim. Kirapim olgeta wan wan long skelim sindaun bilong ol na painim rot bilong mekim moa yet wok bilong autim tok.
Singsing 113 na beten.
Wik i Kirap Long Epril 15
Singsing 133
8 min: Ol toksave bilong kongrigesen. Ol brata sista i mas tingim bikpela pablik-tok em bai kamap long Epril 21, nem bilong en “Stap Olsem Man i No Gat Asua Namel Long Ol Lain Manmeri Nogut.” Kirapim ol brata sista long wok strong moa bilong helpim olgeta long kam.
17 min: “Helpim Ol Baibel-Stadi Long Redim Stadi.” Ol askim na bekim. Sapos i gat taim kaunim ol paragraf.
20 min: “Ol Tok Man i Harim i As Bilong Bilip.” Stori long olsem wanem yumi inap kirapim ol Baibel-stadi long buk Save wantaim ol man yumi bin tilim magasin long ol. Mekim tupela soim olsem i stap long dispela hap.
Singsing 204 na beten.
Wik i Kirap Long Epril 22
Singsing 6
15 min: Ol toksave bilong kongrigesen. Kamapim ol bikpela tok bilong bikpela pablik-tok yumi bin harim long Sande i go pinis. Stori long olsem wanem dispela tok inap kirapim ol nupela man long sanap strong long bihainim lotu i tru. Na stori tu long hap “Wok Yet Long Kisim Stretpela Save,” na kamapim klia bilong wanem em i bikpela samting long go long Buk-Stadi long olgeta taim.
12 min: Askim. Wanpela elda i ken mekim dispela tok. Stori gut long dispela samting: Bilong wanem i no gutpela sapos ol brata i lukautim ol miting i kolim tasol namba wan nem bilong ol brata sista.
18 min: Marila Posin Samting, buk Toktok Gut p. 252-256. Wanpela elda na wokman i toktok long dispela samting. Ol i kamapim klia olsem, sapos yumi mekim pasin papait samting bilong oraitim sik bilong yumi, o lukautim yumi, o kisim save long sampela samting, dispela inap bagarapim yumi. Kamapim ol skripsa long p. 255-256 i stori long olsem wanem man i ken lusim strong bilong ol spirit nogut.
Singsing 143 na beten.
Wik i Kirap Long Epril 29
Singsing 144
12 min: Ol toksave bilong kongrigesen. Driman, buk Toktok Gut, p. 96-97. Mekim soim olsem yu stori wantaim wanpela Baibel-stadi. Stadi i laik save, i gutpela sapos yumi larim ol driman bilong yumi i stiaim wokabaut bilong yumi o nogat. Kamapim ol samting nogut bilong en, olsem em inap mekim na yumi bihainim ol tingting bilong dispela graun na bilong ol spirit nogut. Kamapim klia olsem, em i bikpela samting long yumi larim Tok Bilong God i stiaim yumi.
15 min: Kamapim sampela tok bilong helpim kongrigesen. O elda i ken mekim tok “Yu Bel Hevi Long Samting i Pasim Yu?” bilong Wastaua, Septemba 1, 1994, p. 27-28.
18 min: Tilim Sabskripsen Bilong Wastaua Long Me. Sapos ol i no laik kisim, orait tilim tupela magasin na buklet Tewel Bilong Ol Daiman long K1.00. Kamapim klia olsem ol magasin yumi tilim inap helpim planti man moa na em i wanpela gutpela rot bilong helpim ol man long kisim tok bilong Kingdom. Taim yumi go autim tok yumi mas karim sampela; tilim long olgeta man yumi bungim. Makim wanpela de bilong yu yet long olgeta wan wan wik olsem De Magasin, long dispela rot yu inap tilim planti magasin moa. Tilim magasin long ol stua na long rot, dispela tu inap kamapim gutpela kaikai. Raitim gut hamas magasin yu bin tilim. Mekim gobek long ol man i bin harim tok na tingting long kirapim Baibel-stadi wantaim ol long buk Save. Mekim wanpela o tupela sotpela soim long pasin bilong tilim ol nupela magasin.
Singsing 195 na beten.