Ol Miting Bilong Wok Bilong Julai
Wik i Kirap Long Julai 1
Singsing 90
10 min: Ol toksave bilong kongrigesen. Sampela Toksave bilong Wok Kingdom.
15 min: “Nupela Program Bilong Wokim Ol Haus Kingdom.” Paragraf 1-7. Wanpela tok na kamapim sampela askim.
20 min: “Sampela Tok Yu Ken Mekim na i No Hatwok Long Save Long En.” Toktok wantaim kongrigesen long ol dispela tok. Long paragraf 3, wanpela pablisa i ken mekim soim long pasin bilong kirapim man bilong haus long laikim buk Stap Oltaim. Man bilong haus i ken kamapim klia olsem em i gat laik long harim tok. Long paragraf 5, pablisa i ken mekim soim long pasin bilong mekim wok long wanpela liklik nius bilong stori moa wantaim man.
Singsing 112 na beten.
Wik i Kirap Long Julai 8
Singsing 43
5 min: Ol toksave bilong kongrigesen. Stori liklik long ripot bilong Mas, bilong kantri na bilong kongrigesen.
20 min: “Nupela Program Bilong Wokim Ol Haus Kingdom.” Paragraf 8-17. Wanpela tok na kamapim sampela askim.
20 min: “I Mas i Gat Sampela Brata Moa Bilong Mekim Wok Painia.” Ol askim na bekim. Sapos i gat taim, stori long rot bilong painim liklik mani bilong baim kaikai samting, olsem i stap long Wastaua, Septemba 15, 1993, p. 28-31.
Singsing 16 na beten.
Wik i Kirap Long Julai 15
Singsing 162
5 min: Ol toksave bilong kongrigesen. Ripot bilong ol akaun.
20 min: “Autim Tok Long Apinun—Yu Traim Pinis?” Mekim olsem wanpela tok, na kamapim sampela askim, na toktok wantaim sampela brata sista. Stori long ol samting i bin kamap long wok autim tok long apinun. Kamapim sampela ekspiriens i soim olsem ol gutpela samting i bin kamap. Toksave long ol bung bilong i go autim tok long dispela wik.
20 min: “Lainim Ol Long . . . Olgeta Tok Mi Bin Givim Long Yupela.” Ol askim na bekim. Taim yu kamapim tok bilong paragraf 4 na 5, kolim sampela narapela skripsa na buk samting ol brata sista i ken mekim wok long en. Redim gut na mekim soim long olsem wanem pasin bilong kirapim tok i ken stret wantaim liklik nius yu laik tilim. Sapos yu gat taim, stori long wanpela o tupela paragraf bilong dispela liklik nius. Kirapim olgeta brata sista long wok strong oltaim long kirapim ol nupela Baibel-stadi.
Singsing 64 na beten.
Wik i Kirap Long Julai 22
Singsing 108
10 min: Ol toksave bilong kongrigesen. Stori liklik long ol nupela magasin, na kamapim sampela gutpela tok bilong ol magasin ol brata sista i ken mekim wok long en taim ol i laik tilim.
15 min: Tingting Long Mekim Wok Painia na Putim Olsem Mak Bilong Winim. Wanpela elda i ken lukim Wastaua (tok Inglis), Disemba 15, 1988, p. 25-27, na toktok wantaim wanpela o tupela yangpela. Ol dispela yangpela i wok long tingim wanem ol samting ol i laik mekim taim ol i pinisim haiskul. Ol i gat laik long mekim wanpela wok tru bilong graun bambai ol i ken kisim ol gutpela samting bilong skin. Elda i kamapim sampela gutpela as bilong helpim ol long save, mobeta ol i tingting long mekim wok painia. Ol i wanbel long tok bilong em, tasol ol i no bilip tumas olsem ol inap mekim wok painia na lukautim ol yet long ol samting bilong skin. Elda i kamapim sampela ekspiriens i stap long dispela Wastaua bilong helpim ol long save, planti yangpela i bin winim mak bilong mekim wok painia na ol i stap amamas. Bilong pinisim dispela hap, ol yangpela i tok ol i pilim tru ol tok bilong elda na ol bai tingting gut long insait tru long wok bilong Kingdom na putim olsem mak bilong winim.
20 min: “Kamapim Ol Disaipel Long Rot Bilong Buk Save.” Lukim paragraf 12-16 bilong pepa yu kisim wantaim Wok Kingdom bilong Jun 1996, na mekim wanpela tok. Mekim tupela soim long pasin bilong mekim Baibel-stadi. Namba wan soim i kamapim pasin bilong lainim sumatin long redim stadi na katim ol bikpela tok i bekim stret ol askim i stap daunbilo long pes. Namba tu soim i kamapim sampela tok yu ken mekim bilong kirapim sumatin long kam long Pablik-Tok na Stadi Wastaua.
Singsing 116 na beten.
Wik i Kirap Long Julai 29
Singsing 212
10 min: Ol toksave bilong kongrigesen. Stori long “Wanpela Gutpela Wok Yumi Ken Mekim.”
20 min: Yu Ken Mekim Wanem Bilong Kisim Wanpela Baibel-Stadi? Wanpela elda i ken toktok wantaim tupela o tripela brata o sista, em i no hatwok long ol long kirapim Baibel-stadi. Ol i ken toktok long sampela rot bilong mekim wok bilong kirapim ol nupela Baibel-stadi i kamap gutpela moa: (1) Beten askim Jehova long helpim yu. (2) Oltaim autim tok long kain kain rot bilong painim ol man i laik harim tok. (3) Raitim long notbuk ol man i laik harim tok na kwiktaim go bek lukim ol. (4) Olgeta taim yu bungim man i laik harim tok, tokim em yu laik stadi wantaim em. (Lukim het-tok “Kirapim Baibel-Stadi,” long pes 20 bilong Wastaua, Februeri 15, 1996.) (5) Strongim yu yet olsem yu inap tru long skulim man, long rot bilong mekim wok long 4-pela samting i stap long Wastaua, Me 1, 1985, p. 16-20.
15 min: “Truim Tok Promis Bilong Yumi Long Olgeta De.” Ol askim na bekim.
Singsing 165 na beten.