Ol Miting Bilong Wok Bilong Februeri
Wik i Kirap Long Februeri 3
Singsing 27
10 min: Ol toksave bilong kongrigesen. Sampela Toksave bilong Wok Kingdom.
15 min: “Insait Long Wok Em i No Inap Kamap Gen.” Ol askim na bekim. Sapos i gat taim, kamapim ol tok bilong buk Proclaimers, “Keeping on the Watch—How?,” p. 714, 715.
20 min: “Autim Gutnius na Ting Olsem Taim i Sot Pinis.” (Paragraf 1-5) Stori liklik long paragraf 1, na bihain toktok wantaim 2-pela o 3-pela pablisa long ol tok bilong paragraf 2-5. Ol i kamapim ol bikpela tok bilong ol dispela pasin bilong autim tok, na ol i stori long bilong wanem ol dispela tok o ol kain tok olsem i gutpela bilong mekim wok long en long teritori bilong yumi. Ol pablisa i ken senis senis bilong mekim traim ol dispela tok. Brata i lukautim dispela hap i ken tok amamas long ol na kamapim sampela tok bilong helpim ol long kamapim ol tok i gutpela moa. Nau em i ken askim ol brata sista long kolim sampela rot bilong yumi ken kirapim ol stadi. Tokaut klia long rot bilong kirapim stadi long buk Save.
Singsing 34 na beten.
Wik i Kirap Long Februeri 10
Singsing 29
5 min: Ol toksave bilong kongrigesen. Ripot bilong ol akaun.
10 min: “Autim Gutnius na Ting Olsem Taim i Sot Pinis.” (Paragraf 6-8) Mekim ol soim long ol tok i stap long paragraf 6-7. Kamapim klia olsem yumi mas mekim gobek long ol man i bin amamas long harim tok.
30 min: “Mipela i Laikim 300 Painia Haptaim.” Wasman bilong wok autim tok i ken lukautim dispela hap. Ol askim na bekim. Kamapim ol bikpela tok bilong blok long pes 3. Stori long sedyul olsem i stap long pes 6. Gutpela sapos olgeta wan wan pablisa i baptais pinis ol i ken beten na skelim olsem ol yet inap mekim wok painia haptaim inap wanpela mun o sampela mun o nogat. Ol pablisa i no baptais yet ol inap mekim bikpela wok moa taim ol i putim mak long hamas aua ol i laik winim long olgeta wan wan mun.
Singsing 43 na beten.
Wik i Kirap Long Februeri 17
Singsing 30
10 min: Ol toksave bilong kongrigesen. Stori long sampela gutpela tok bilong ol nupela magasin em yumi inap toktok wantaim ol man long en taim yumi autim tok long dispela wik.
13 min: “Memorial—Wanpela Bikpela Bung Tru!” Ol askim na bekim. Kirapim ol brata sista long tingim mun Mas olgeta olsem gutpela mun bilong mekim wok painia haptaim. Kirapim ol brata long mekim wok long pepa bilong singautim ol man i kam long Memorial.
22 min: Kirapim Ol Baibel-Stadi. Long ol mun i go pinis, yumi bin tilim planti handet buk. Dispela i opim rot na bai yumi ken kirapim planti moa Baibel-stadi. Stori long wanem wok kongrigesen i bin mekim long tilim ol buk na buklet samting. Kirapim ol pablisa long i go bek lukim olgeta man i bin amamas long harim tok. Sampela pablisa i ken stori long ol samting ol yet i bin mekim bilong kirapim ol nupela Baibel-stadi. Kamapim klia olsem wanpela bikpela wok bilong yumi em wok bilong kamapim ol disaipel. (Mt 28:19, 20) Yumi inap mekim gut dispela wok sapos yumi wok strong long bihainim ol tok i stap long pepa yumi kisim wantaim Wok Kingdom bilong Jun 1996.
Singsing 47 na beten.
Wik i Kirap Long Februeri 24
Singsing 32
18 min: Ol toksave bilong kongrigesen. Toksave long nem bilong ol brata sista em ol bai mekim wok painia haptaim long Mas. Tokim ol brata sista, sapos sampela moa i laik putim aplikesen ol i ken mekim yet. Kirapim olgeta long insait tru long wok autim tok long Sarere, Mas 1. Stori long sampela narapela bung bilong autim tok em kongrigesen i makim nau long mun Mas. Stori gut long ol tok bilong Askim.
12 min: “Olsem Wanem Long Ol Wanblut Bilong Yu?” Wanpela brata i ken stori wantaim meri bilong em long dispela tok na pasim tok long wanem rot ol i ken bihainim bilong autim tok long ol wanblut.—Lukim Wastaua, Septemba 1, 1990, p. 28-31.
15 min: Stori Long Samting Bilong Tilim Long Mas—Em Buk Rot Bilong Kamapim Amamas Insait Long Famili. Stori liklik long sampela as na ol famili i bruk bruk long nau. (Lukim Wastaua, Oktoba 15, 1992, p. 4-7.) Wanpela pablisa i save gut long autim tok em i ken mekim soim long pasin bilong tilim dispela buk. Kirapim olgeta long kisim dispela buk bilong mekim wok long en long dispela wik.
Singsing 48 na beten.