Ol Miting Bilong Wok Bilong Oktoba
Wik i Kirap Long Oktoba 6
Singsing 39
10 min: Ol toksave bilong kongrigesen. Sampela Toksave bilong Wok Kingdom. Stori long “760 i Bin Insait Long Wok Painia Haptaim!”
15 min: “Olsem Wanem? Bihain Bai Olgeta Man i Laikim Tru Ol Narapela?” Ol askim na bekim. Stori long ol bikpela tok bilong Kingdom Nius Namba 35. Kamapim bilong wanem ol tok bilong en bai helpim ol man long teritori. Tokim ol brata sista, ol i mas stretim ol samting nau bilong insait tru long wok bilong tilim dispela nius na ol i mas wok strong long go bek lukim ol man i bin amamas long harim tok.
20 min: “Tilim Kingdom Nius Namba 35 Long Olgeta Hap.” Wasman bilong wok autim tok i mekim dispela tok. Stori long ol tok bilong paragraf 5-8 long rot bilong ol askim na bekim. Stori long ol bung bilong autim tok bilong kongrigesen bilong mekim sampela wok moa. Stori long sampela rot yumi ken bihainim bilong autim tok long olgeta hap bilong teritori. Yumi ken mekim wok long Kingdom Nius Namba 35 bilong autim tok long ol man long ol ples bilong wetim bas, ol liklik stua, ol ples bilong putim ol ka, na long sampela narapela hap. Kamapim sampela tok long olsem wanem yumi ken helpim ol nupela em ol i gat laik long kirap mekim wok autim tok. Kamapim sampela tok bilong pepa yumi kisim wantaim Wok Kingdom bilong Epril, 1995, par. 11. Long sampela teritori ating em i gutpela ol pablisa i no wok wantaim poroman na ol i no gat wok long karim paus taim ol i tilim Kingdom Nius. Mekim tupela o tripela sotpela soim.
Singsing 126 na beten.
Wik i Kirap Long Oktoba 13
Singsing 41
12 min: Ol toksave bilong kongrigesen. Ripot bilong ol akaun. Kamapim sampela tok bilong ol nupela Wastaua na Kirap! em yumi inap toktok wantaim ol man long en. Tokim ol brata sista, taim yumi tilim Kingdom Nius Namba 35 long ol Sarere Sande, bai yumi tilim tu sabskripsen. Yumi mas go bek lukim olgeta man i bin harim tok.
15 min: Sampela tok bilong helpim kongrigesen o wanpela elda i mekim tok “Helpim Pikinini Bilong Yu Long Abrusim Bagarap!” long Wastaua, Julai 15, 1997, p. 20-23.
18 min: “Yu Save Mekim Wanem Taim Ol Man i Les Long Harim Tok?” Tupela elda i stori long dispela tok. Kamapim tu sampela tok bilong Wastaua (tok Inglis), Julai 15, 1974, p. 445, 446, aninit long liklik het-tok “How You Can Attack Apathy.”
Singsing 130 na beten.
Wik i Kirap Long Oktoba 20
Singsing 42
5 min: Ol toksave bilong kongrigesen. Kirapim olgeta long mekim tru wok bilong tilim Kingdom Nius Namba 35.
25 min: Bilong Wanem Yu Mas Bosim Belhat Bilong Yu? Wanpela tok na stori wantaim ol brata sista long ol dispela samting: (1) ‘Pasin bilong belhat na kros’ em “pasin bilong olpela bel.” Sapos man i no bosim gut belhat bilong em, dispela inap bagarapim em na kirapim em long pait na bagarapim ol samting. Man i mekim olsem em i no stap olsem gutpela piksa na kongrigesen inap rausim man long dispela pasin. God i skelim ol pasin yumi mekim. (Ga 5:19, 20; Ef 4:31; Je 1:19, 20; 2 Jo 9, 10; Mt 5:21, 22) (2) Sapos wanpela brata em i man bilong belhat kwik na em i save paitim meri bilong em, o krosim nogut o paitim ol narapela man, i stret em i kamap wanpela elda o wokman o holim yet dispela wok? (1 Ti 3:2-4, 12; Ta 1:7; 1 Ko 13:1-3) (3) Wanem ol gutpela tok bilong Baibel bai helpim yumi long bosim belhat bilong yumi? (Sng 4:4; Snd 22:24, 25; Ro 12:18) (4) Sapos yumi laik bosim belhat bilong yumi, yumi mas beten strong long wanem samting, na bihainim wanem samting long i stap bilong yumi? (Ga 5:22, 23) Lukim Kirap!, Oktoba 8, 1993, p. 3-14; Novemba 8, 1996, p. 3-11 na Jun 8, 1997, p. 14-16.
15 min: “Yu Stap Wanpela Witnes Long Olgeta Taim?” Wanpela elda i mekim dispela tok.
Singsing 133 na beten
Wik i Kirap Long Oktoba 27
Singsing 43
10 min: Ol toksave bilong kongrigesen. Stori long wok bilong tilim Kingdom Nius Namba 35 ol brata sista i bin mekim i kam inap long nau. Askim ol brata sista long kamapim sampela gutpela ekspiriens. Stori long wanem ol hap bilong teritori kongrigesen i wokim pinis, na ol samting kongrigesen i mas mekim yet bilong pinisim olgeta teritori paslain long Novemba 16. Long mun Novemba taim olgeta teritori i pinis, bai yumi tilim buk Save. Tokaut klia olsem yumi mas tingting long kirapim ol Baibel-stadi taim yumi go bek lukim ol man i bin amamas long kisim Kingdom Nius.
15 min: Rot Bilong Painim Gutpela Samting Bilong Wetim Long Taim Bilong Bel Hevi. Wanpela elda i mekim dispela tok i stap long Wastaua, Me 15, 1997, p. 22-25.
20 min: Yupela i Mas i Stap Olsem Lait. Wanpela tok na stori wantaim ol brata sista long ol tok bilong buk Lo, p. 84-88. Paslain tru stretim tok wantaim sampela pablisa bambai ol i redi long stori long ol dispela askim: (1) Bilong wanem ol Witnes Bilong Jehova i save autim tok long ol haus? (2) Ol Kristen bilong pastaim i bin bihainim dispela pasin bilong autim tok inap long wanem mak? (3) Bilong wanem em i bikpela samting long yumi mas autim tok yet long haus bilong ol man long nau? (4) Wanem ol samting inap givim hatwok long yumi long mekim dispela wok long olgeta taim? (5) Wanem ol samting bai helpim yumi long mekim yet dispela wok? (6) Taim yumi stap olsem lait, yumi kisim wanem ol blesing? (7) Yumi ken mekim wanem bambai wok bilong yumi long toktok wantaim ol man i ken kamap gutpela moa? Bilong kamapim klia dispela samting, tripela o fopela pablisa i ken stori long ol gutpela ekspiriens ol i bin kisim taim ol i autim tok long ol stua o long rot.
Singsing 136 na beten.