Ol Miting Bilong Wok Bilong Disemba

Wik i Kirap Long Disemba 1

Singsing 57

10 min: Ol toksave bilong kongrigesen. Sampela Toksave bilong Wok Kingdom. Kolim yia-teks bilong 1998.

15 min: “Toktok Wantaim Ol Man Long Jehova Long Olgeta De.” Ol askim na bekim. Taim yu stori long paragraf 4, kamapim sampela tok bilong Buk Bilong Skul (tok Inglis), stadi 16, par. 14-​16.

20 min: “Buk Baibel​—God i Givim Bilong Stiaim Ol Man.” Wanpela elda i stori long dispela tok na em bai tokaut bilong wanem ol man i mas skelim ol tok bilong Baibel. (Lukim buklet A Book for All People [tok Inglis], p. 30 na 32.) Toktok wantaim tupela pablisa na ol i ken stori long olsem wanem ol i bin redi long mekim wok long ol tok i stap long par. 3-8. Mekim wanpela soim long olsem wanem ol i bihainim dispela tok taim ol i mekim wok autim tok na narapela soim taim ol i mekim gobek.

Singsing 165 na beten.

Wik i Kirap Long Disemba 8

Singsing 58

10 min: Ol toksave bilong kongrigesen. Ripot bilong ol akaun.

20 min: Bilong Wanem Yumi Mas Kamapim Pasin Nogut Bilong Man? Wanpela elda i mekim dispela tok; em i stori long ol tok i stap long Wastaua, Ogas 15, 1997, p. 26-​30.

15 min: “Ol i Wari Taim Yu No Stap!” Wanpela elda i kamapim sampela askim long ol brata sista. Kolim namba (averes) bilong ol man i save kam long ol miting. Askim sampela bilong stori olsem: Bilong wanem ol i kamap strong taim ol i bung long ol miting.

Singsing 172 na beten.

Wik i Kirap Long Disemba 15

Singsing 63

7 min: Ol toksave bilong kongrigesen. Kamapim sampela tok long pasin bilong bekim gut tok sapos man i tok “Meri Krismas” o “Hepi Nu Yia” long yumi. Toksave long ol bung bilong autim tok long Disemba 25 na Janueri 1.

15 min: Sampela tok bilong helpim kongrigesen. O mekim wanpela tok “Yu Pren Bilong God?,” olsem i stap long Wastaua, Julai 1, 1997, p. 27-30.

23 min: “Yumi Mas Kamap Tisa, Yumi No Ken Autim Tok Tasol.” Ol askim na bekim. Taim yu stori long paragraf 11, kamapim tok bilong Buk Bilong Skul (tok Inglis), stadi 15, par. 11.

Singsing 174 na beten.

Wik i Kirap Long Disemba 22

Singsing 138

5 min: Ol toksave bilong kongrigesen. Tokim ol pablisa long bringim buk Toktok Gut i kam long miting long wik antap.

17 min: “Skul Bilong Wok Autim Tok Bilong 1998.” Wasman bilong skul i mekim dispela tok. Stori long olsem wanem skul inap helpim yumi moa yet long dispela yia. Kirapim ol long bihainim nupela sedyul em “Namba Tu Sedyul Bilong Kaunim Baibel” long olgeta wik.

23 min: Autim Gutnius Long Kain Kain Hap. Toktok wantaim ol brata sista long ol tok bilong buk Lo, p. 92-97, mekim wok long ol dispela askim: (1) Bilong mekim gut wok bilong autim tok long olgeta hap, bilong wanem em i gutpela yumi mekim wok long ol buk bilong yumi? Bilong wanem yumi mas tilim ol buk bilong yumi long ol man long olgeta hap? Bilong wanem em i bikpela samting long yumi tokim ol man long pe stret bilong ol buk samting? (2) Bilong wanem yumi mas tingting long autim tok long kain kain taim na ples long olgeta taim? Wanem sampela rot bilong autim tok long kain kain taim na ples? (Askim sampela long kamapim ekspiriens bilong ol taim ol i autim tok long kain kain taim na ples.) (3) Bilong wanem kongrigesen i mas wok strong long autim tok long olgeta hap bilong teritori bilong ol? (4) Taim yumi wok wantaim ol grup long autim tok olsem wanem dispela i ken helpim yumi? Long taim bilong autim tok yumi ken mekim wanem na bai yumi inap mekim gutpela wok long taim bilong yumi?

Singsing 222 na beten.

Wik i Kirap Long Disemba 29

Singsing 181

8 min: Ol toksave bilong kongrigesen. Kirapim ol pablisa long putim ripot bilong ol bilong wok autim tok.

12 min: Stori Long Ol Samting Bilong Tilim Long Janueri. Kamapim sampela gutpela tok i stap long buk Stap Oltaim em bai helpim ol pablisa long tilim dispela buk. Mekim wanpela soim. Yumi mas wok strong yet long kirapim ol stadi long buklet Yumi Mas Mekim Wanem? o long buk Save.

25 min: Marila Posin Samting. Buk Toktok Gut, p. 252-256. Wanpela elda i toktok wantaim ol brata sista long ol dispela tok; em i kamapim klia olsem yumi no ken go lukim glasman samting bilong oraitim sik bilong yumi o lukautim yumi o kisim save long sampela samting. Nogat. Dispela inap bagarapim yumi. Tokim ol i no ken lusim tingting olsem: Yumi no ken pret long ol man i laik mekim wok long posin marila samting bilong bagarapim yumi. (Lukim stori “Posin Samting i No Inap Mekim Nogut Long Yu,” i stap long Wastaua, Februeri 1, 1984, p. 28, 29.) Stori long olsem wanem dispela tok bai helpim ol brata long was gut long sampela pasin bilong ples. Kamapim gut ol skripsa i stap long p. 255, 256 em ol i stori long olsem wanem man inap lusim wok bilong ol spirit nogut na pasin bilong pret long ol spirit nogut. Sapos i gat taim, kamapim ekspiriens i stap long Wastaua, Julai 1, 1997, p. 26.

Singsing 215 na beten.