Ol Miting Bilong Wok Bilong Janueri
Wik i Kirap Long Janueri 5
Singsing 10
8 min: Ol toksave bilong kongrigesen. Sampela Toksave bilong Wok Kingdom.
20 min: Mekim Famili-Stadi i Save Kamapim Amamas. Tupela marit i stori long ol samting ol i mas mekim bilong helpim famili long ol samting bilong spirit. Ol i tingting planti long ol pasin bilong dispela graun i wok long bagarapim ol pikinini, olsem na ol i ting ol i mas strongim ol pikinini long ol samting bilong spirit, tasol ol i tokaut olsem ol i save mekim famili-stadi wan wan taim tasol na planti taim ol dispela stadi i no kamap gut. Tupela i lukim gen ol tok bilong Wastaua, Ogas 1, 1997, p. 26-29, em i stori long olsem wanem yumi ken mekim gut famili-stadi. Tupela wantaim i tingting strong long mekim ol samting bilong lukautim ol pikinini long ol samting bilong spirit.
17 min: “Amamas Long Mekim Gut Wok Autim Tok.” Stori wantaim ol brata sista long dispela tok. Kamapim ol bikpela samting yumi mas mekim bilong toktok gut wantaim ol man: (1) Amamas na tok gude long man, (2) stori long o kamapim wanpela askim long wanpela samting i wok long kamap na ol man i amamas long toktok long en, (3) kamapim wanpela tok bilong Baibel i stori long dispela samting, na (4) kirapim tingting bilong man long kisim buk yu laik tilim. Wanpela pablisa i gat save em i ken mekim soim olsem i stap long Wok Kingdom long pasin bilong autim tok long man long namba wan taim na long mekim gobek.
Singsing 142 na beten.
Wik i Kirap Long Janueri 12
Singsing 125
10 min: Ol toksave bilong kongrigesen. Ripot bilong ol akaun.
15 min: “Mekim Gut Wok Long Pepa Bilong Singautim Ol Man i Kam Long Ol Miting.” Toktok wantaim ol brata sista long dispela tok. Kamapim ekspiriens i stap long Wastaua, Disemba 1, 1996, p. 13, par. 15.
20 min: “Jehova i Save Givim Bikpela Strong Long Yumi.” Ol askim na bekim. (Lukim w90-E 7/15 19, par. 15, 16.) Pasim tok wantaim sampela long kamapim ol gutpela ekspiriens i soim olsem wanem Jehova i bin strongim ol.
Singsing 81 na beten.
Wik i Kirap Long Janueri 19
Singsing 1
8 min: Ol toksave bilong kongrigesen.
20 min: Redi Nau Long Holimpas Lo Bilong God Long Blut. Wanpela elda i gat save em i ken stori olsem em i bikpela samting long wokim kat Advance Medical Directive/Release. Tok bilong God i stap long Song 19:7 i soim yumi olsem, tok bilong Aposel 15:28, 29 i kamapim stretpela lo bilong God long blut. Ol man i stap gut long God, ol i wok strong long holimpas dispela lo. Dispela kat i save kamapim klia dispela laik bilong yu na inap kamapim tingting bilong yu taim yu yet i no inap toktok. (Skelim wantaim Sindaun 22:3.) Wanpela nupela kat olsem inap kamapim tingting bilong yu nau long dispela taim olsem yu no laik kisim blut. Bihain long dispela miting, ol Witnes i baptais pinis na ol laik kisim wanpela nupela kat ol i ken kisim wanpela, na ol brata sista i gat ol liklik pikinini i no baptais yet ol i ken kisim wanpela kat Identity bilong olgeta wan wan pikinini bilong ol. Ol i mas raitim gut olgeta tok bilong en na wasman bilong Buk-Stadi i ken lukautim dispela wok. Long dispela rot em bai helpim gut olgeta long grup bilong em, em ol i laik wokim kat. Sapos inap, ol i ken mekim bihain tasol long miting. Bikpela samting em olsem: Ol brata i sainim nem olsem witnes ol i mas lukim brata o sista i sainim nem na raitim det. Ating long dispela miting ol elda i no inap helpim olgeta long raitim stret ol tok long kat na stretim ol samting bambai ol witnes i sainim nem bilong ol, long wanem, planti tru i laik bai ol i mas helpim ol o sampela i no kam long ol miting. Inap sampela de moa elda i ken helpim ol dispela brata sista inap long olgeta pablisa i baptais pinis ol i raitim gut ol tok long kat bilong ol. Em i bikpela samting long olgeta wan wan wasman bilong Buk-Stadi long skelim gut dispela samting long grup bilong em. (Lukim gen pas bilong Ogas 1, 1992.) Ol pablisa i no baptais yet, ol i ken kisim sampela tok i stap long dispela kat na wokim kat i stret long tingting na bilip bilong ol yet na bilong pikinini bilong ol.
17 min: Sampela tok bilong helpim kongrigesen. O kamapim ol tok bilong stori “Olsem Wanem Yu Ken Abrusim Bagarap Long Ples Nogut?” na “Wanem Taim Bai Ol Man i No Pret Moa?” long Wastaua, Ogas 15, 1995, p. 3-7. Na tu, kamapim ol bikpela tok i stori long rot bilong karim hevi bilong pasin raskol na long pait olsem i stap long Kirap!, Novemba 8, 1989, p. 7-10, na Wastaua, (tok Inglis) Me 1, 1991, p. 4-7.
Singsing 146 na beten.
Wik i Kirap Long Janueri 26
Singsing 187
7 min: Ol toksave bilong kongrigesen. Stori long ol samting bilong tilim long Februeri. Kamapim wanpela o tupela tok bilong buk Kamapim Tok Hait em i gutpela bilong stori long en taim yumi laik tilim dispela buk.
20 min: “Tingim Gut Haus Bilong Lotuim Jehova.” Ol askim na bekim. Wanpela elda i ken mekim dispela tok, na long gutpela pasin em i ken kamapim ol samting i stret long kongrigesen.
18 min: Ripotim Wok Yu Mekim Bilong Autim Tok Long Olgeta Hap. (Kisim ol tok long buk Lo, p. 100, 101, 106-109.) Kuskus i ken mekim olsem wanpela tok na toktok wantaim ol brata sista. Em i kamapim ol tok Baibel i makim olsem yumi mas putim ripot long olgeta taim, na bihain em i ken singautim tupela wokman bambai tupela i ken stori long ol tok aninit long liklik het-tok “Bilong Wanem Yumi Save Putim Ripot Bilong Wok Autim Tok?” Nau kuskus i ken kamapim klia bilong wanem yumi mas raitim stret ripot na putim hariap. Na em i ken stori olsem bilong wanem i gutpela long putim sampela mak yumi yet i ken winim. Bilong pinisim tok em i stori long sampela gutpela blesing ol man i save kisim taim ol i insait tru long wok autim tok.
Singsing 189 na beten.