Ol Miting Bilong Wok Bilong Februeri
Wik i Kirap Long Februeri 2
Singsing 166
10 min: Ol toksave bilong kongrigesen. Sampela Toksave bilong Wok Kingdom. Tokim olgeta long bringim pepa yumi kisim wantaim Wok Kingdom bilong Jun 1996 i kam long miting long wik antap.
15 min: “Ol Witnes Bilong Jehova—Lain Tru Bilong Autim Gutnius.” Ol askim na bekim. Stori long ol tok bilong blok i stap long Wastaua, Septemba 1, 1992, p. 19.
20 min: “Singautim Olgeta Man Em Nek Bilong Ol i Drai.” Stori long ol tok bilong dispela hap. Kamapim klia long olsem wanem ol dispela tok long pasin bilong toktok wantaim ol man inap helpim yumi long mekim ol tok i kirapim ol man long harim tok. Sapos inap, wanpela brata i bikpela pinis em i ken mekim soim bilong paragraf 2, 3, o 4, 5 na wanpela yangpela i ken mekim soim bilong paragraf 6.
Singsing 208 na beten.
Wik i Kirap Long Februeri 9
Singsing 96
7 min: Ol toksave bilong kongrigesen. Ripot bilong ol akaun.
23 min: Kamapim Ol Disaipel Long Rot Bilong Buk Save. Long rot bilong ol askim na bekim kamapim ol bikpela tok bilong pepa yumi kisim wantaim Wok Kingdom bilong Jun 1996, p. 3, 4, par. 1-13. Long wik antap bai yumi stori long ol narapela paragraf bilong pepa.
15 min: Sampela tok bilong helpim kongrigesen. O elda i kamapim ol bikpela tok bilong stori “Famili-Stadi i Save Kamapim Amamas,” long Wastaua, Ogas 1, 1997, p. 26-29.
Singsing 220 na beten.
Wik i Kirap Long Februeri 16
Singsing 75
5 min: Ol toksave bilong kongrigesen.
25 min: Kamapim Ol Disaipel Long Rot Bilong Buk Save. Ol tok bilong Wok Kingdom bilong Jun 1996, p. 4-6. Long rot bilong ol askim na bekim kamapim ol bikpela tok bilong par. 14-26.
15 min: “Jehova i Save Helpim Mi.” Long gutpela pasin wanpela elda i mekim tok bilong strongim ol brata sista.
Singsing 15 na beten.
Wik i Kirap Long Februeri 23
Singsing 4
5 min: Ol toksave bilong kongrigesen. Stori long ol samting bilong tilim long mun Mas. Stori liklik long wanpela o tupela rot bilong tilim buk Save, mekim wok long ol tok bilong Wok Kingdom, Jun 1996, p. 8. Tokim ol brata sista long wok strong long kirapim ol Baibel-stadi.
10 min: Bilong Wanem Yu Mas Go Long Ol Miting Bilong Kongrigesen. Elda i kamapim ol bikpela tok bilong Wastaua, Ogas 15, 1993, p. 8-11. Em i kamapim klia bilong wanem em i bikpela samting long go long olgeta miting.
15 min: “Sapos Em i Kamapim Gutpela Samting—Mekim Wok Long En!” Ol askim na bekim. Wanpela o tupela pablisa i gat save ol i ken stori liklik long ol pasin bilong toktok wantaim ol man em planti taim ol i bin mekim wok long en, long wanem, i no hatwok long mekim na i kamapim ol gutpela samting. Nau yu ken askim sampela long stori long olsem wanem ol i bin bihainim ol nupela pasin bilong toktok wantaim ol man em Wok Kingdom i kamapim na ol gutpela samting i bin kamap long en.
15 min: Lainim Gut Ol Tok Yu Laik Kamapim. Kisim ol tok bilong Buk Bilong Skul p. 20, par. 7, 8 na mekim sotpela tok. Stori olsem yumi mas skelim gut ol tok yumi save mekim na painim rot bilong mekim tok bilong yumi i kamap gutpela moa. Tupela sista i ken mekim soim olsem tupela i skelim ol tok ol i bin mekim long haus bilong man, na tupela i stori long olsem wanem ol i ken mekim tok i gutpela moa. Ol i mekim traim long tok ol i laik kamapim bihain, na narapela i givim ol gutpela tok long narapela bilong helpim em. Bilong pinisim tok, brata i kirapim olgeta long skelim na traim ol tok ol bai mekim bilong toktok wantaim ol man.
Singsing 103 na beten.