Ol Miting Bilong Wok
Wik i Kirap Long Julai 10
Singsing 7
12 min: Ol toksave bilong kongrigesen. Sampela Toksave bilong Wok Kingdom. Stori long ripot bilong wok autim tok bilong kantri na bilong kongrigesen. Tokim ol brata long lukim blok “Lukim Pes i Stap Long Baksait,” na mekim wanpela soim olsem i stap long ol dispela stori na i stret long teritori bilong yupela.
15 min: “Mipela i No Inap Pasim Maus.” Kirap bilong tok i no ken abrusim wanpela minit, na bihain mekim ol askim na bekim. Stori gut long as na yumi save ting wok bilong yumi long autim tok em i bikpela samting. Stori long ol bikpela tok i stap long Wastaua, Janueri 15, 1997, p. 23, 24.
18 min: “Olgeta Samting Yupela i Mekim, Yupela i Mas Mekim Bilong Strongim Kongrigesen.” Tupela elda i toktok wantaim long dispela stori. Ritim olgeta paragraf na olgeta skripsa. Kamapim klia ol tok i stap bilong stiaim gut tingting bilong yumi. Stori gut olsem pasin bilong skelim gut ol samting em i bikpela samting taim yumi stretim ol samting bilong wok bisnis o yumi putim mani long wanpela bisnis. Kamapim ol tok i stap long Wastaua, Mas 15, 1997, p. 18, 19, 22.
Singsing 15 na beten.
Wik i Kirap Long Julai 17
Singsing 23
10 min: Ol toksave bilong kongrigesen. Ripot bilong ol akaun. Stori liklik long pasin bilong mekim wok long buklet Divine Name bilong helpim man long save, em i bikpela samting long save long nem bilong God na long mekim wok long en.—Lukim buk Toktok Gut, p. 171, 172.
15 min: Sampela tok bilong helpim kongrigesen. O wanpela elda ken mekim wanpela tok long “Yu Bin Strongim Wanpela Man?” olsem i stap long Wastaua, Janueri 15, 1995, p. 21-23.
20 min: Husat i Mas Stap Olsem Gutpela Piksa Mi Ken Bihainim? Wanpela papa i mekim famili-stadi wantaim wanpela o tupela pikinini i gat 14 o 15 krismas samting. Em i bin luksave olsem planti taim ol i toktok long ol tim na ol man bilong pilai spot, na bilong mekim musik. Em i tok em i tingting planti long dispela samting, long wanem, dispela i kamapim pasin bilong dispela graun. Ol i stori long ol tok i stap long Kirap!, Jun 8, 1998, p. 12-14. Ol yangpela i tok, ol i save pasin bilong litimapim ol man bilong graun inap kamapim sampela hevi, na pasin bilong kisim biknem long ai bilong ol man i no inap helpim ol Kristen. Ol i skelim ol gutpela samting inap kamap sapos ol i larim ol papamama, ol elda, na ol strongpela brata long kongrigesen i stap olsem gutpela piksa, na i gutpela moa sapos Krais Jisas i stap olsem gutpela piksa ol i ken bihainim.
Singsing 34 na beten.
Wik i Kirap Long Julai 24
Singsing 45
5 min: Ol toksave bilong kongrigesen.
15 min: Mekim Ol Samting Bilong Stap Olsem Wokman Bilong God. Tupela wokman bilong kongrigesen ol i stori wantaim long gutpela tok bilong Baibel i stap long Wastaua, Disemba 15, 1998, p. 19, 20. Ol i save ol i mas mekim gut wok bilong ol olsem ol wokman bilong kongrigesen, na ol i stori long ol samting ol inap mekim bilong inapim gut wok bilong ol. Ol i save ol i mas stap gutpela piksa long pasin bilong mekim wok autim tok, na ol i stori long olsem wanem ol inap helpim ol elda long helpim ol wan wan brata sista. Tupela i wanbel long ol i laik mekim olgeta samting ol inap long mekim bilong helpim kongrigesen long save olsem taim i sot pinis, na long helpim kongrigesen long kamap strong long ol samting bilong spirit.
10 min: Askim. Wanpela elda i mekim olsem wanpela tok.
15 min: Mekim Wok Long Ol Gutpela Kirap Bilong Tok. Kisim tupela o tripela kirap bilong tok i stap long p. 9-15 bilong buk Toktok Gut, na stori long olsem wanem yumi inap mekim gutpela wok long ol long teritori bilong yumi. Askim ol brata sista: “Yu save mekim wok long wanem kirap bilong tok taim yu autim tok long rot o long kain kain taim na ples?” Sapos i gat taim, mekim soim long wanpela o tupela kirap bilong tok.
Singsing 54 na beten.
Wik i Kirap Long Julai 31
Singsing 66
12 min: Ol toksave bilong kongrigesen. Kirapim olgeta pablisa long putim ripot bilong wok autim tok bilong mun Julai. Askim ol brata sista long stori long ol gutpela ekspiriens ol i bin kisim long dispela mun taim ol i bin tilim ol buklet.
15 min: Mi Ken Mekim Wanem na Bai Ol Wanlain i No Ken Pulim Mi? Wanpela elda i stori long ol tok i stap long p. 73-80 bilong buk Sampela Askim Bilong Ol Yangpela.
18 min: “Yu Save Pilim Tru Pasin Isi Bilong Jehova?” Ol askim na bekim. Stori long ol bikpela samting bilong pasin bilong Jehova long isi long ol man.—Lukim buk Insight (tok Inglis), Vol. 2, p. 263, 264.
Singsing 75 na beten.
Wik i Kirap Long Ogas 7
Singsing 88
10 min: Ol toksave bilong kongrigesen.
17 min: “Olsem Wanem? Yu Man Bilong Sem?” Ol askim na bekim. Sapos inap, kamapim wanpela ekspiriens bilong strongim bel i stap long yiabuk bilong 1997, p. 43, 44.
18 min: Bihainim Gutpela Tingting na Save. Wanpela elda i mekim olsem wanpela tok. Ol yangpela i laik stap amamas long bihain wantaim ol manmeri ol i laikim ol tru. I stret ol i laik stap olsem, tasol bilong ol samting bilong ol inap kamap gutpela ol i mas bihainim tok bilong God. (Snd 19:20) Man i kirap laikim meri, na meri i kirap laikim man, na dispela laik i kamap strong long ol yangpela. Sapos ol i no bosim gut dispela laik, bikpela hevi inap painim ol. Skelim ol gutpela tok i stap long buk Sampela Askim Bilong Ol Yangpela, p. 231-235. Kamapim ol bikpela tok bilong Wastaua, Novemba 15, 1999, p. 18-23, em i kamapim klia olsem em i bikpela samting long ol yangpela i mas inapim olgeta samting God i laik bai ol i mekim. Kirapim ol yangpela long tingting gut long ol dispela tok, na long toktok wantaim papamama bilong ol long ol dispela tok sapos ol i gat sampela askim.
Singsing 101 na beten.