Ol Tok Yu Ken Mekim Bilong Tilim Ol Nius

Wastaua Mas 15

“Ol manmeri long olgeta hap i save givim biknem long ol tok Jisas i bin skulim ol man long en. [Ritim tok i stap long p. 3 par. 1.] Tasol yu ting ol dispela kain tok olsem i stap long dispela skripsa ol i gutpela long nau? [Ritim Matyu 5:​21, 22a. Orait larim man i bekim tok.] Dispela magasin i stori long ol samting Jisas i bin skulim ol man long en na olsem wanem ol dispela samting i ken helpim yumi.”

Awake! Mas 22

“Planti man i laikim ol maunten, long wanem, ol i luk naispela tru, tasol yu save olsem ol i bikpela samting bilong helpim ol samting long i stap laip long graun? [Larim man i bekim tok.] Dispela magasin i stori long wanem as na i mas i gat ol maunten na wanem samting i wok long painim ol long nau. Na em i stori tu long olsem wanem Man Bilong Wokim olgeta samting bai no inap larim ol man i bagarapim ol maunten.” Ritim Song 95:⁠4.

Wastaua Epril 1

“Yu bin harim ol man i tok olsem tok bilong saiens na tok bilong Baibel i pait wantaim? [Larim man i bekim tok.] Dispela magasin i skelim ol tok pait i stap namel long saiens na lotu. Tasol dispela magasin i kamapim ol samting i soim olsem stretpela save ol man i kisim i stret wantaim ol tok bilong Baibel.” Soim pes 6-7 long man. Orait ritim Saveman 1:⁠7.