Ol Miting Bilong Wok

Wik i Kirap Long Julai 11

Singsing 49

10 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long p. 2 (o narapela tok i stret long teritori bilong yupela) bilong tilim Wastaua bilong Jun 15 na Awake! bilong Jun 22. Long wan wan soim, kamapim narapela narapela pasin bilong autim tok long man i katim tok na i tok “Mi gat wok.”—Lukim buk Toktok Gut, p. 19-20.

15 min: Tok bilong helpim kongrigesen.

20 min: Wanpela elda i mekim tok “Lukaut Long Ol Kastam God i No Laikim,” em i kisim long Wastaua bilong Janueri 1, 2005, p. 27-30. Kamapim ol tok i stret long hap bilong yupela.

Singsing 88 na beten.

Wik i Kirap Long Julai 18

Singsing 173

10 min: Ol toksave bilong kongrigesen. Stori liklik long Wastaua bilong Ogas 15, 2000, p. 32. Kamapim klia ol gutpela samting pasin bilong ritim Baibel long olgeta de i save kamapim.

15 min: “Mekim Ol Baibel Stadi i Save Helpim Ol Man—Namba 11 Hap.”a Mekim wanpela soim long brata o sista i lukautim stadi na nupela pablisa i redi wantaim bilong mekim gobek. Ol i skelim gen ol samting i bin kamap long namba wan taim ol i bungim man na ol i makim wanpela samting bilong toktok wantaim man taim ol i mekim gobek. Ol i redim tu wanpela sotpela kirap bilong tok na wanpela askim ol i ken kamapim taim ol i laik lusim man bilong haus. Soim i pinis long taim ol i laik kirap mekim traim long ol tok ol i bin redim.

20 min: “Amamas Long Poromanim Ol Brata Kristen.” Wanpela tok na kamapim sampela askim.

Singsing 10 na beten.

Wik i Kirap Long Julai 25

Singsing 138

15 min: Ol toksave bilong kongrigesen. Ritim ripot bilong ol akaun na tok tenkyu long ol kontribiusen ol brata i mekim. Bihainim ol tok i stap long p. 2 (o narapela tok i stret long teritori bilong yupela), na mekim soim long pasin bilong tilim Awake! bilong Julai 8 wantaim nupela Wastaua. Mekim soim long pasin bilong tilim ol nius long ples maket o long wanpela narapela pablik ples.

10 min: Putim Tok i Tru i Go Daun Long Bel Bilong Pikinini Bilong Yu. (Lo 6:7) Wanpela elda i mekim dispela tok em i kisim long Wastaua bilong Ogas 15, 2002, p. 30-1. Kamapim klia ol stiatok bilong Baibel i stiaim wok bilong skulim ol pikinini bilong papa o mama Kristen em poroman marit bilong em i no wanpela Witnes.

20 min: “Yumi Gat Dinau Long Ol Narapela Man.”b Kamapim sampela tok bilong Wastaua bilong Julai 1, 2000, p. 11, par. 13.

Singsing 82 na beten.

Wik i Kirap Long Ogas 1

Singsing 187

15 min: Ol toksave bilong kongrigesen. Kirapim ol pablisa long putim ripot bilong wok autim tok bilong mun Julai. Tokim odiens long opim buk Skul Bilong Autim Tok long p. 70, na toktok wantaim ol na kamapim ol askim long par. 1-2 na blok “Bekim Tok Long Ol Miting.”

15 min: “Helpim Ol Pikinini Bilong Yu Long Mekim Gut Wok Autim Tok.” Wanpela tok na kamapim sampela askim. Mekim wanpela soim long papa o mama na pikinini i autim tok na i mekim wanpela tok i no hatwok. Papa o mama i pinisim tok na tokim man long pasin bilong givim kontribiusen.

15 min: Yu Bin Traim Long Mekim Tok i Stret Long Man Bilong Haus? Wanpela tok na kamapim sampela askim long Wok Kingdom bilong Janueri 2005, p. 6. Stori long ol tok Wok Kingdom i kamapim, na soim olsem wanem yumi ken mekim ol tok i stret long man bilong haus taim yumi tilim ol buklet long Ogas. Mekim wanpela o tupela soim long dispela.

Singsing 218 na beten.

[Ol Futnot]