Ol Tok Yu Ken Mekim Bilong Tilim Ol Nius

Wastaua Jun 15

“Planti bilong yumi bai lusim bikpela haptaim bilong laip bilong yumi long mekim wok. Sampela i ting dispela em i gutpela samting, na sampela i ting em i samting nogut. Wanem tingting bilong yu? [Larim man i bekim tok. Ritim Saveman 2:24.] Dispela nius i soim olsem wanem Baibel i ken helpim yumi long kisim stretpela tingting long wok. Em i stori tu long olsem wanem yumi ken karim ol hevi em wok i save kamapim.”

Awake! Jun 22

“Yu ting sindaun bilong komiuniti bilong yumi bai gutpela sapos olgeta man i bihainim dispela tok? [Ritim Efesus 4:28. Larim man i bekim tok.] Dispela nius i stori long ol bikpela hevi yumi olgeta i kisim, long wanem, ol man i save stilim ol samting long stua. Nius i stori tu long olsem wanem pasin bilong stil na ol arapela pasin raskol klostu nau bai pinis.”

Awake! Julai 8

“Long nau ol man i resis long kisim wok mani, olsem na planti man i no gat wok. Dispela nius i stori long 5-pela samting bilong helpim man long painim wok. [Kamapim ol het tok i stap long strongpela rait long stori “Five Keys to Finding a Job.”] Nius i kamapim tu ol tok i helpim man long holimpas wok mani bilong em.” Ritim Sindaun 22:29, olsem i stap long pes 10.