Ol Tok Yu Ken Mekim Bilong Tilim Ol Nius

Wastaua Oktoba 15

“Planti man i pilim olsem yumi no inap save long ol samting bai kamap bihain olsem na i gutpela yumi tingim i stap bilong yumi long nau tasol. Yu gat wanem tingting long dispela? [Larim man i bekim tok.] Lukim tok Jisas i mekim. [Ritim Matyu 6:​34.] Dispela nius i stori long olsem wanem yumi ken tingim gut ol samting yumi laik mekim bihain, tasol long wankain taim yumi no tingting planti na wari tumas long ol dispela samting.”

Awake! Oktoba

“Taim wanpela long famili bilong yumi i dai, yu ting ol i stap long heven na i lukluk long yumi i stap? [Larim man i bekim tok.] Lukim tok Jisas i mekim taim Lasarus i dai. [Ritim Jon 11:11.] Dispela nius i stori long ol man i dai pinis i stap laip long wanpela hap o ol i slip i stap long matmat na wetim taim bilong kirap bek?” Soim stori i kirap long pes 28.

Wastaua Novemba 1

“Yu ting graun bai kamap olsem wanpela gutpela ples bilong i stap long en sapos olgeta man i mekim pasin daun? [Larim man i bekim tok.] Lukim tok Jisas i mekim long dispela. [Ritim Matyu 23:12.] Dispela nius i stori long gutpela samting i save kamap taim man i mekim pasin daun maski dispela graun i pulap long pasin bilong ol man long resis long winim narapela.”

Awake! Novemba

“Bipo ol man i save ritim Baibel bilong kisim tok bilong stiaim ol. Tasol nau planti man i tok ol i gat tupela tingting long dispela. Yu yet i gat wanem tingting? [Larim man i bekim tok. Nau ritim 2 Timoti 3:​16.] Dispela nius Awake! i kamapim klia tru olsem God yet i kamapim olgeta tok bilong Baibel.”