Ol Tok Bilong Tilim Ol Nius

Wastaua Jan. 1

“Ating bai yu wanbel long tok i stap long dispela ves? [Ritim Jems 3:⁠2.] Dispela stori i kamapim sampela gutpela tok bilong Baibel long helpim yumi bambai yumi no ken mekim ol tok i bagarapim bel bilong ol narapela insait long famili bilong yumi.” Soim stori i stap long pes 10.

Awake! Jan.

“Hevi i save painim olgeta marit. Yu ting ol marit inap painim we ol gutpela tok bilong helpim ol? [Larim man i bekim tok.] Lukim dispela gutpela tok. [Ritim Efesus 5:​22, 25.] Dispela stori i kamapim klia meri i mas mekim wanem bilong daun long man bilong em.” Soim stori i kirap long pes 28.

Wastaua Feb. 1

“I gat planti hevi long nau, olsem na yu ting yumi inap i stap bel isi? [Larim man i bekim tok.] Pasin bilong skelim tok bilong Baibel long ol gutpela samting bai kamap bihain, dispela i bin helpim planti manmeri. [Ritim wanpela skripsa ol i raitim tok bilong en long magasin o wanpela skripsa ol i no raitim tok bilong en.] Dispela magasin i kamapim tok Baibel i mekim long yumi bin kamap olsem wanem, i gat wanem as na yumi i stap, na wanem samting bai kamap bihain.”

Awake! Feb.

“Pasin raskol i go bikpela tru, olsem na planti manmeri i pret. Yu ting ol samting inap kamap gutpela? [Larim man i bekim tok.] Lukim wanpela gutpela tok profet bilong Baibel. [Ritim Song 37:10.] Dispela magasin i stori long as na i gat pasin raskol na tok Baibel i mekim long olsem wanem dispela pasin bai pinis.”